ನಗೋಯಾ:ಏಷ್ಯನ್ ಗೇಮ್ಸ್ನಲ್ಲಿ ಸೆ.30ರಂದು ಭಾರತೀಯ ಕ್ರೀಡಾ ಪಟುಗಳು ಅದ್ಭುತ ಪ್ರದರ್ಶನದ ಮೂಲಕ ನಾಲ್ಕು ಚಿನ್ನದ ಪದಕ ಪಡೆದರು. ಒಂದೇ ದಿನ 4 ಚಿನ್ನದ ಪದಕಗಳನ್ನು ಮುಡಿಗೇರಿಸಿಕೊಳ್ಳುವ ಮೂಲಕ ಗಣನೀಯ ಸಾಧನೆ ಮಾಡಿದೆ. ಇದರೊಂದಿಗೆ ಭಾರತದ ಒಟ್ಟು ಪದಕಗಳ ಸಂಖ್ಯೆ
60ಕ್ಕೆ ಏರಿದೆ (10 ಚಿನ್ನ, 21 ಬೆಳ್ಳಿ, 29 ಕಂಚು) ಪಡೆದಿದೆ. ಪದಕ ಪಟ್ಟಿಯಲ್ಲಿ ಭಾರತ 8ನೇ ಸ್ಥಾನದಲ್ಲಿದೆ. ಮಹಿಳಾ ವಿಭಾಗದ ಕಾಂಪೌಂಡ್ ಆರ್ಚರಿ(ಬಿಲ್ಲುಗಾರಿಕೆ)ಯಲ್ಲಿ ಜ್ಯೋತಿ ಸುರೇಖಾ ವೆನ್ನಮ್, ಪ್ರೀತಿಕಾ ಪ್ರದೀಪ್ ಮತ್ತು ಚಿಕಿತಾ ತನಿಪರ್ತಿ ಅವರಿದ್ದ ತಂಡವು ಚಿನ್ನ ಗೆದ್ದಿತು.
ಪುರುಷರ ಕಾಂಪೌಂಡ್ ಆರ್ಚರಿ ಟೀಮ್ ಇವೆಂಟ್ನಲ್ಲಿ ಸಾಹಿಲ್ ಜಾಧವ್, ಕುಶಾಲ ತಲಾಲ ಮತ್ತು ಗಣೇಶ್ ಮಣಿರತ್ನಂ ಅವರನ್ನೊಳಗೊಂಡ ಚಿನ್ನದ ಪದಕ ಪಡೆದಿದೆ.
ಮಿಶ್ರ ಕಾಂಪೌಂಡ್ ಆರ್ಚರಿ ವಿಭಾಗದಲ್ಲಿ ಚಿಕಿತಾ ತನಿಪರ್ತಿ ಮತ್ತು ಸಾಹಿಲ್ ಜಾಧವ್ ಅವರ ತಂಡ ಚಿನ್ನದ ಪದಕ ಮುಡಿಗೇರಿಸಿಕೊಂಡಿತು.
ಟ್ರ್ಯಾಪ್ ಶೂಟಿಂಗ್ ಮಿಶ್ರ ತಂಡ ವಿಭಾಗದಲ್ಲಿ ನೀರೂ ಧಾಂಡಾ ಮತ್ತು ಕಿನಾನ್ ಚೆನೈ ಜೋಡಿಯು ಪ್ರಶಸ್ತಿ ಸುತ್ತಿನಲ್ಲಿ 34 ಅಂಕಗಳನ್ನು ಗಳಿಸಿ ಏಷ್ಯನ್ ದಾಖಲೆಯೊಂದಿಗೆ ಐತಿಹಾಸಿಕ ಚಿನ್ನದ ಪದಕ ಗೆದ್ದುಕೊಂಡಿತು.ನೀರೂ ಧಾಂಡಾ ಅವರಿಗೆ ಇದು ಈ ಕೂಟದ 2ನೇ ಚಿನ್ನವಾಗಿದೆ.
ಕುಸ್ತಿಯಲ್ಲಿ ಪುರುಷರ 87 ಕೆಜಿ ಗ್ರೀಕೊ-ರೋಮನ್ ಕುಸ್ತಿ ವಿಭಾಗದಲ್ಲಿ ಸುನಿಲ್ ಕುಮಾರ್ ಕಂಚಿನ ಪದಕ ಗೆದ್ದರು, ಬಾಕ್ಸಿಂಗ್ನಲ್ಲಿ ಕಪಿಲ್ ಮತ್ತು ಪ್ರಿಯಾ ಅವರು ಕಂಚಿನ ಪದಕ ಗೆದ್ದರು.
ಇನ್ನುಳಿದಂತೆ ಭಾರತದ ಮಹಿಳಾ ಹಾಕಿ ತಂಡವು ದಕ್ಷಿಣ ಕೊರಿಯಾವನ್ನು 2-0 ಗೋಲುಗಳಿಂದ ಸೋಲಿಸಿ ಫೈನಲ್ ಪ್ರವೇಶಿಸಿ ಕನಿಷ್ಠ ಬೆಳ್ಳಿ ಪದಕವನ್ನು ಖಚಿತಪಡಿಸಿಕೊಂಡಿದೆ.ಬಾಕ್ಸಿಂಗ್ನಲ್ಲಿ ಒಲಿಂಪಿಕ್ ಪದಕ ವಿಜೇತೆ ಲವ್ಲಿನಾ ಬೊರ್ಗೊಹೈನ್ 75 ಕೆಜಿ ವಿಭಾಗದ ಫೈನಲ್ ತಲುಪುವ ಮೂಲಕ ಚಿನ್ನದ ಪದಕದ ಪಂದ್ಯಕ್ಕೆ ಅರ್ಹತೆ ಪಡೆದಿದ್ದಾರೆ.
ಸ್ಕ್ವಾಷ್ನಲ್ಲಿ ಭಾರತದ ಪುರುಷರ ಮತ್ತು ಮಹಿಳಾ ಸ್ಕ್ವಾಷ್ ತಂಡಗಳು ಸೆಮಿಫೈನಲ್ ತಲುಪುವ ಮೂಲಕ ಪದಕವನ್ನು ಖಾತ್ರಿಪಡಿಸಿಕೊಂಡಿವೆ.
