ಲಖನೌ: ಇಂದು ಭಾರತ ತಂಡವು ಟಿ20 ಸರಣಿಯ ಮೊದಲ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡವನ್ನು ಎದುರಿಸಲಿದೆ.5 ಪಂದ್ಯಗಳ ಸರಣಿಯ ಮೊದಲ ಪಂದ್ಯ ಲಖನೌದಲ್ಲಿ ನಡೆಯಲಿದೆ.ಏಷ್ಯನ್ ಗೇಮ್ಸ್‌ನಲ್ಲಿ ಸ್ವರ್ಣಗೆದ್ದು ಅಚಲ ಆತ್ಮವಿಶ್ವಾಸದಲ್ಲಿರುವ ಭಾರತ ತಂಡವು ವಿಂಡೀಸ್ ವಿರುದ್ಧ ಏಕದಿನ ಸರಣಿ ಗೆದ್ದ ಬಳಿಕ ಟಿ20 ಸರಣಿ ಗೆಲ್ಲುವ ತವಕದಲ್ಲಿದೆ. ವೈಭವ್ ಸೂರ್ಯವಂಶಿ ಬದಲು
ಲಖನೌದ ಏಕನಾ ಕ್ರೀಡಾಂಗಣದ ಬ್ಯಾಟಿಂಗ್‌ಸ್ನೇಹಿ ಪಿಚ್‌ನಲ್ಲಿ ಸ್ಯಾಮ್ಸನ್ ಅವರನ್ನು ಆರಂಭ ಆಟಗಾರನಾಗಿ ಕಣಕ್ಕಿಳಿಸುವ ಸಾಧ್ಯತೆ ಇದೆ.
ಇಶಾನ್ ಕಿಶನ್, ತಿಲಕ್ ವರ್ಮಾ, ಶಿವಂ ದುಬೆ, ಅಕ್ಷರ್ ಪಟೇಲ್‌ ಮತ್ತು ನಿತೀಶ್ ರೆಡ್ಡಿ ಹೀಗೆ ತಂಡದ ಮಧ್ಯಮ, ಕೆಳಮಧ್ಯಮ ಕ್ರಮಾಂಕ ಬಲವಾಗಿದೆ. ಶ್ರೇಯಸ್ ಅಯ್ಯರ್ ಅವರ ನಾಯಕತ್ವಕ್ಕೆ ಈ ಮಾದರಿ ಸವಾಲಾಗಲಿದೆ. ವೆಸ್ಟ್ ಇಂಡೀಸ್ ತಂಡವನ್ನು ಚುಟುಕು ಕ್ರಿಕೆಟ್‌ನ ‘ಪವರ್‌ ಹೌಸ್‌’ ಎಂದು ಪರಿಗಣಿಸಲಾಗುತ್ತಿದೆ. ಅಯ್ಯರ್ ನೇತೃತ್ವದಲ್ಲಿ ಭಾರತ
ಜಿಂಬಾಬ್ವೆ, ಅಫ್ಗಾನಿಸ್ತಾನ ವಿರುದ್ಧ ಸರಣಿ ಗೆದ್ದಿದೆ.
ಕೆರೀಬಿಯನ್ನರ ವಿರುದ್ಧ ತವರಿನಲ್ಲಿ ಆಡಿರುವ ಕೊನೆಯ 10 ಪಂದ್ಯಗಳಲ್ಲಿ ಭಾರತ 9 ಪಂದ್ಯಗಳಲ್ಲಿ ಜಯಶಾಲಿಯಾಗಿದೆ.
ಶಾಯ್ ಹೋಪ್ ಸಾರಥ್ಯದ ವೆಸ್ಟ್ ಇಂಡೀಸ್ ತಂಡವು ರೊಮಾರಿಯೊ ಶೆಫರ್ಡ್‌, ರೋವ್ಮನ್ ಪಾವೆಲ್, ಶಿಮ್ರೊನ್ ಹೆಟ್ಮೆಯರ್ ಅಂಥ ಟಿ20 ಪರಿಣತರನ್ನು ಹೊಂದಿದೆ. ಅವರು ಐಪಿಎಲ್‌ ಮೂಲಕ ಭಾರತದಲ್ಲಿ ಆಡಿ ಪಳಗಿದವರು.
ನೇರಪ್ರಸಾರ: ಸ್ಟಾರ್‌ಸ್ಪೋರ್ಟ್ಸ್‌, ಜಿಯೊ ಹಾಟ್‌ಸ್ಟಾರ್‌
