ವೆಲ್ಲಿಂಗ್ಟನ್: ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಒಂದು ದಿನ ಮಾತ್ರ ಬಾಕಿ ಇರುವಂತೆಯೇ ಭಾರತದ ಗೆಲುವಿಗೆ ಇನ್ನು ಎಂಟು ವಿಕೆಟ್ಗಳ ಅಗತ್ಯವಿದೆ. ಮೊದಲ ಇನಿಂಗ್ಸ್ನಲ್ಲಿ 352 ರನ್ಗಳ ಹಿನ್ನಡೆಯೊಂದಿಗೆ ದ್ವಿತೀಯ ಇನಿಂಗ್ಸ್ ಆರಂಭಿಸಿದ ನ್ಯೂಜಿಲೆಂಡ್ ನಾಲ್ಕನೇ ದಿನದಾಟದ
ಅಂತ್ಯಕ್ಕೆ 45 ಓವರ್ಗಳಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 119 ರನ್ ಗಳಿಸಿದೆ.ಇನಿಂಗ್ಸ್ ಸೋಲು ತಪ್ಪಿಸಿಕೊಳ್ಳಲು ನ್ಯೂಜಿಲೆಂಡ್ ಹೋರಾಟ ನಡೆಸುತಿದೆ. ಇನ್ನೂ 233 ರನ್ಗಳ ಹಿನ್ನಡೆಯಲ್ಲಿದೆ.ದ್ವಿತೀಯ ಇನಿಂಗ್ಸ್ನ ಮೊದಲ ಓವರ್ನಲ್ಲೇ ನ್ಯೂಜಿಲೆಂಡ್ ನಾಯಕ ಟಾಮ್ ಲೇಥಮ್ ವಿಕೆಟ್ ಗಳಿಸಿದ ಜಸ್ಪ್ರೀತ್ ಬೂಮ್ರಾ ಮೊದಲ ಆಘಾತ ನೀಡಿದರು. ಲೇಥಮ್ ಎರಡೂ ಇನಿಂಗ್ಸ್ಗಳಲ್ಲಿ ಶೂನ್ಯಕ್ಕೆ ಔಟ್ ಆದರು. ಮೊದಲ ಇನಿಂಗ್ಸ್ನಲ್ಲೂ ಪ್ರಥಮ ಓವರ್ನಲ್ಲೇ ಲೇಥಮ್ ಅವರನ್ನು ಬೂಮ್ರಾ ಔಟ್ ಮಾಡಿದ್ದರು. ಮೊದಲ ಇನಿಂಗ್ಸ್ನಲ್ಲಿ
ಶತಕ ಗಳಿಸಿದ ಹೆನ್ರಿ ನಿಕೋಲ್ಸ್ (31) ಸಹ ಹೆಚ್ಚು ಹೊತ್ತು ಕ್ರೀಸಿನಲ್ಲಿ ನಿಲ್ಲಲಿಲ್ಲ. ಅವರ ವಿಕೆಟ್ ಪ್ರಸಿದ್ಧ ಕೃಷ್ಣ ಪಾಲಾಯಿತು. ಈ ನಡುವೆ ಡೆವೊನ್ ಕಾನ್ವೇ ಹಾಗೂ ರಚಿನ್ ರವೀಂದ್ರ ದಿಟ್ಟ ಹೋರಾಟ ತೋರುತ್ತಿದ್ದು, ಅಂತಿಮ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಕಾನ್ವೇ ಆಕರ್ಷಕ ಅರ್ಧಶತಕ (59*) ಗಳಿಸಿದರೆ ರಚಿನ್ 27* ರನ್ ಗಳಿಸಿ ಕ್ರೀಸಿನಲ್ಲಿದ್ದಾರೆ.
ಇದಕ್ಕೂ ಮೊದಲು ನಾಲ್ಕನೇ ದಿನದ ಆಟದಲ್ಲಿ ರಿಷಭ್ ಪಂತ್ ಗಳಿಸಿದ ಅಮೋಘ ಶತಕದ ನೆರವಿನಿಂದ ಟೀಮ್ ಇಂಡಿಯಾ 166 ಓವರ್ಗಳಲ್ಲಿ ಒಂಬತ್ತು ವಿಕೆಟ್ ನಷ್ಟಕ್ಕೆ 720 ರನ್ಗಳ ಬೃಹತ್ ಮೊತ್ತ ಪೇರಿಸಿ ಡಿಕ್ಲೇರ್ ಘೋಷಿಸಿತು. ಆ ಮೂಲಕ ಮೊದಲ ಇನಿಂಗ್ಸ್ನಲ್ಲಿ 352 ರನ್ಗಳ ಬೃಹತ್ ಮುನ್ನಡೆ ಗಳಿಸಿತು.ನಾಲ್ಕನೇ ದಿನದ ಆಟದಲ್ಲೂ ಭಾರತೀಯ ಬ್ಯಾಟರ್ಗಳು ಅಧಿಪತ್ಯವನ್ನು ಮೆರೆದರು. ಪಂತ್ 153 ಎಸೆತಗಳಲ್ಲಿ ಆರು ಸಿಕ್ಸರ್ ಹಾಗೂ 10 ಬೌಂಡರಿಗಳ ನೆರವಿನಿಂದ 128 ರನ್ ಗಳಿಸಿ ಅಬ್ಬರಿಸಿದರು. ಅವರಿಗೆ ತಕ್ಕ ಬೆಂಬಲ ನೀಡಿದ ಧ್ರುವ್ ಜುರೇಲ್ 78 ಹಾಗೂ ಅಂಶುಲ್ ಕಂಬೋಜ್ 38 ರನ್ಗಳ
ನೆರವು ನೀಡಿದರು. ವಾಷಿಂಗ್ಟನ್ ಸುಂದರ್ 24 ಹಾಗೂ ಆಕಾಶ್ ದೀಪ್ 13 ರನ್ ಗಳಿಸಿದರು. ನ್ಯೂಜಿಲೆಂಡ್ ನೆಲದಲ್ಲಿ ಇದೇ ಮೊದಲ ಬಾರಿಗೆ ಭಾರತ 700 ರನ್ಗಳ ಸಾಧನೆ ಬರೆದಿದೆ. ನ್ಯೂಜಿಲೆಂಡ್ನಲ್ಲಿ ತಂಡವೊಂದರಿಂದ ದಾಖಲಾದ ಗರಿಷ್ಠ ರನ್ಗಳ ದಾಖಲೆಯು ಇದಾಗಿದೆ.
ಅಲ್ಲದೆ ಟೀಮ್ ಇಂಡಿಯಾ ಇದೇ ಮೊದಲ ಬಾರಿಗೆ ಎಲ್ಲ ಏಳು ವಿಕೆಟ್ಗಳವರೆಗೆ 50 ರನ್ಗಳ ಜೊತೆಯಾಟವನ್ನು ದಾಖಲಿಸಿದೆ.ಒಟ್ಟಾರೆಯಾಗಿ ಭಾರತ ತಂಡವು ಟೆಸ್ಟ್ ಕ್ರಿಕೆಟ್ನಲ್ಲಿ ಐದನೇ ಸಲ 700 ರನ್ ಕ್ರಮಿಸಿದ ದಾಖಲೆಯನ್ನು ಬರೆದಿದೆ. ವಿದೇಶ ನೆಲದಲ್ಲಿ ಭಾರತ ಇನಿಂಗ್ಸ್ವೊಂದರಲ್ಲಿ ಗಳಿಸಿದ ಗರಿಷ್ಠ ಮೊತ್ತವೂ ಇದಾಗಿದೆ.ಭಾರತದ ಪರ
ಕೆ.ಎಲ್. ರಾಹುಲ್ ಅಮೋಘ ಶತಕ (136) ಗಳಿಸಿದ್ದರೆ ನಾಯಕ ಶುಭಮನ್ ಗಿಲ್ (98), ದೇವದತ್ತ ಪಡಿಕ್ಕಲ್ (80) ಹಾಗೂ ಯಶಸ್ವಿ ಜೈಸ್ವಾಲ್ (85) ಆಕರ್ಷಕ ಅರ್ಧಶತಕಗಳನ್ನು ಗಳಿಸಿದರು. ಹೆನ್ರಿ ನಿಕೋಲ್ಸ್ (175) ಹಾಗೂ ಗ್ರೆನ್ ಫಿಲಿಪ್ಸ್ (118) ಶತಕದ ಬೆಂಬಲದೊಂದಿಗೆ ನ್ಯೂಜಿಲೆಂಡ್ ತಂಡವು ಮೊದಲ ಇನಿಂಗ್ಸ್ನಲ್ಲಿ 368 ರನ್ ಪೇರಿಸಿತ್ತು.
















