ಸುಳ್ಯ:ಹಳೆಗೇಟು ಸಾಂಸ್ಕೃತಿಕ ಸಂಘದ ವತಿಯಿಂದ 41ನೇ ವರ್ಷದ ಗಣೇಶೋತ್ಸವ ಸೆ.7ರಿಂದ 9ರ ತನಕ ವಿವಿಧ ಕಾರ್ಯಕ್ರಮಗಳೊಂದಿಗೆ ನಡೆಯಲಿದ್ದು ಚೌತಿ ದಿನವಾದ ಸೆ.7ರಂದು ಶನಿವಾರ ಗಣೇಶ ವಿಗ್ರಹದ ಪ್ರತಿಷ್ಠಾಪನೆಯೊಂದಿಗೆ ಗಣೇಶೋತ್ಸವ ಆರಂಭಗೊಂಡಿದೆ.ಸಾಂಸ್ಕೃತಿಕ ಸಂಘ ಹಳೆಗೇಟು ಇದರ ವಸಂತ ಕಟ್ಟೆಯಲ್ಲಿವಿಶೇಷ ಪೂಜೆ, ಸಾಂಸ್ಕೃತಿಕ
ಧಾರ್ಮಿಕ, ಸಾಂಸ್ಕೃತಿಕ, ಅನ್ನದಾನ, ಭಜನೆ ಕಾರ್ಯಕ್ರಮಗಳೊಂದಿಗೆ
3 ದಿನಗಳ ಸಾರ್ವಜನಿಕ ಶ್ರೀ ಗಣೇಶೋತ್ಸವ ವಿಜ್ರಂಭಣೆಯಿಂದ ನಡೆಯುತಿದೆ. ಪುರೋಹಿತ ನಟರಾಜ ಶರ್ಮ ಪೂಜಾ ಕಾರ್ಯಕ್ರಮವನ್ನು ನೆರವೇರಿಸಿದರು.ಬೆಳಿಗ್ಗೆ 7 ಕ್ಕೆ ಸ್ಥಳ ಶುದ್ದಿಕರಣ ನಡೆದು ಗಣಪತಿ ಹೋಮ ನಡೆಯಿತು. 8 ಗಂಟೆಗೆ ವಿಗ್ರಹ ಪ್ರತಿಷ್ಠಾಪನೆ ನೆರವೇಯಿತು. ಮಧ್ಯಾಹ್ನ 1 ಗಂಟೆಗೆ ಮಹಾಪೂಜೆ ನಡೆಯಿತು.ಈ ಸಂದರ್ಭದಲ್ಲಿ
ಹಳೆಗೇಟು ಸಾಂಸ್ಕೃತಿಕ ಸಂಘದ ಅಧ್ಯಕ್ಷ ಬಿ ಶ್ರೀನಿವಾಸ್ ರಾವ್, ಉಪಾಧ್ಯಕ್ಷ ಬಾಲಗೋಪಾಲ ಸೇರ್ಕಜೆ, ಕಾರ್ಯದರ್ಶಿ ಶಿವನಾಥ್ ರಾವ್ ಹಳೆಗೇಟು,ಉಪ ಕಾರ್ಯದರ್ಶಿ ರಾಕೇಶ್ ಕುಂಟಿಕಾನ, ಕೋಶಾಧಿಕಾರಿ ಚಿತ್ತರಂಜನ್, ಕಾರ್ಯಕ್ರಮದ ಸಂಚಾಲಕರಾದ ಜ್ಞಾನೇಶ್ವರ್ ಶೇಟ್,ದಿವಾಕರ ತಿಮ್ಸನ್, ರಾಮಕೃಷ್ಣ ಆಳಂಕಲ್ಯ,ಗೌತಮ್ ಭಟ್, ಸಚಿನ್ ರಾವ್,ಧನಂಜಯ ಪಂಡಿತ್,ಕಿಶನ್ ಕುಮಾರ್, ಗಣೇಶ್ ಕೊಯಿಂಗೋಡಿ, ಶ್ರೀಜಿತ್, ವಿಜಯ್ ಕುಮಾರ್, ಕಮಲಾಕ್ಷ ಆಚಾರ್ಯ,ನವೀನ್ ರಾವ್, ರಾಧಾಕೃಷ್ಣ ರಾವ್, ದಿನೇಶ್ ಬೆಟ್ಟಂಪ್ಪಾಡಿ, ಜನಾರ್ಧನ ಬೆಟ್ಟಂಪ್ಪಾಡಿ,ಭುವನೇದ್ರ ಶೇಟ್,ಶಿವ ಕುಮಾರ್ ಬೆಟ್ಟಂಪ್ಪಾಡಿ,ಗಣೇಶ್ ಬೆಟ್ಟಂಪ್ಪಾಡಿ,ಸುನಿಲ್ ಮಾಣಿ ಬೆಟ್ಟು, ಹಾಗೂ ಹಳೆಗೇಟು ಶಿವಾಜಿ ಯುವ ವೃಂರದ ಪದಾಧಿಕಾರಿಗಳು, ಸದಸ್ಯರು, ಸ್ಥಳೀಯ ನೂರಾರು ಭಕ್ತಾಧಿಗಳು ಉಪಸ್ಥಿತರಿದ್ದರು.
ಇಂದು ಸಂಜೆ ಗಂಟೆ 6ಕ್ಕೆ ದೀಪಾಂಜಲಿ ಮಹಿಳಾ ಭಜನಾ ಮಂಡಳಿ ಶಾಂತಿನಗರ ಇವರಿಂದ ಭಜನಾ ಕಾರ್ಯಕ್ರಮ ನಡೆಯಲಿದ್ದು, ರಾತ್ರಿ 7 ರಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಲಿದೆ. ಸವಿತಾ ಕಿರಣ ಇವರ ಸಾರಥ್ಯದಲ್ಲಿ ನೃತ್ಯ ವೈವಿಧ್ಯ ಕಾರ್ಯಕ್ರಮ ಹಾಗೂ ಬೆಟ್ಟಂಪಾಡಿ ಕಲಾವಿದರಿಂದ ಚಿಣ್ಣರ ಕಲರವದ ಮೆರಗು ನಡೆಯಲಿದೆ.
ಸೆ.8 ಬೆಳಿಗ್ಗೆ 8 ಕ್ಕೆ ಪೂಜೆ ಮಧ್ಯಾನ 1 ಗಂಟೆಗೆ ಮಹಾಪೂಜೆ, ಸಂಜೆ ಗಂಟೆ 6 ರಿಂದ ಗಜಾನನ ಭಜನಾ ಸಂಘ ಜಯನಗರ ಇವರಿಂದ ಭಜನಾ ಕಾರ್ಯಕ್ರಮ, ರಾತ್ರಿ 7-30ಕ್ಕೆ ಸಂಗೀತ ರಸಮಂಜರಿ – ಸೌಂಡ್ ಆಫ್ ಮೆಲೋಡಿ-ದಕ್ಷಿಣ ಕನ್ನಡದ ಆಯ್ದ ನುರಿತ ಕಲಾವಿದರಿಂದ ಭಕ್ತಿ ಭಾವ ಹಾಗೂ ಚಿತ್ರಗೀತೆಗಳ ಸಂಗಮ ನಡೆಯಲಿದೆ.ರಾತ್ರಿ ಗಂಟೆ 10-00ಕ್ಕೆ ಮಹಾಪೂಜೆ ನಡೆಯಲಿದೆ.
ಸೆ 9 ರಂದು ಬೆಳಿಗ್ಗೆ ಗಂಟೆ 8ಕ್ಕೆ : ಪೂಜೆ, 12-30ಕ್ಕೆ ಮಹಾಪೂಜೆ, 1-00ಕ್ಕೆ : ಸಾರ್ವಜನಿಕ ಅನ್ನಸಂತರ್ಪಣೆ ನಡೆಯಲಿದ್ದು ಸಂಜೆ ಗಂಟೆ 5ರಿಂದ ವೈಭವದ ಶೋಭಾಯಾತ್ರೆಯೊಂದಿಗೆ ಗಣೇಶ ವಿಗ್ರಹದ ವಿಸರ್ಜನೆ ನಡೆಯಲಿದೆ.
