ಲಾಹೋರ್‌: ದಾಖಲೆ ಮೊತ್ತವನ್ನು ಬೆನ್ನಟ್ಟಿದ ಆಸ್ಟ್ರೇಲಿಯಾ ತಂಡ ಚಾಂಪಿಯನ್ಸ್ ಟ್ರೋಫಿ ‘ಬಿ’ ಗುಂಪಿನ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡವನ್ನು 5 ವಿಕೆಟ್‌ಗಳಿಂದ ಸೋಲಿಸಿತು.ಮೊದಲು ಬ್ಯಾಟ್ ಮಾಡಿದ ಇಂಗ್ಲೆಂಡ್ ಆಸೀಸ್‌ಗೆ 352 ರನ್ಗಳ ಗುರಿ ನೀಡಿತು.ದಾಖಲೆ ಮೊತ್ತ ಕಂಡ ಪಂದ್ಯದಲ್ಲಿ ಬೆನ್‌ ಡಕೆಟ್‌ ಅವರ 165 ರನ್ಗಳ (143 ಎಸೆತ) ಭರ್ಜರಿ ಶತಕದ ಆಟವು, ಜೋಸ್‌ ಇಂಗ್ಲಿಸ್ ಅವರ ಬಿರುಸಿನ ಶತಕದ (ಔಟಾಗದೇ 120, 86 ಎಸೆತ) ನೆರವಿನಿಂದ ಆಸೀಸ್ ಗೆದ್ದು ಬೀಗಿತು.ಗಡಾಫಿ ಕ್ರೀಡಾಂಗಣದಲ್ಲಿ ಬ್ಯಾಟ್ ಮಾಡಲು ಕಳುಹಿಸಲ್ಪಟ್ಟ ಇಂಗ್ಲೆಂಡ್ ತಂಡ
8 ವಿಕೆಟ್‌ಗೆ 351 ರನ್ ಗಳಿಸಿ ಚಾಂಪಿಯನ್ಸ್ ಟ್ರೋಫಿ ಇತಿಹಾಸದಲ್ಲೇ ಅತ್ಯಧಿಕ ಮೊತ್ತ ದಾಖಲಿಸಿತ್ತು. ಆದರೆ ವಿಕೆಟ್ ಕೀಪರ್‌ ಇಂಗ್ಲಿಸ್ ಅವರ ಶತಕದ ಅಬ್ಬರದಲ್ಲಿ ಈ ಮೊತ್ತ ಆಸ್ಟ್ರೇಲಿಯಾಕ್ಕೆ ಸವಾಲೇ ಆಗಲಿಲ್ಲ. ಇನ್ನೂ 15 ಎಸೆತಗಳಿರುವಂತೆ ಸ್ಟೀವ್‌ ಸ್ಮಿತ್ ಬಳಗ 5 ವಿಕೆಟ್‌ಗೆ 356 ರನ್ ಹೊಡೆದು ಈ ಟೂರ್ನಿ ಮಾತ್ರವಲ್ಲ, ಐಸಿಸಿಯ ಯಾವುದೇ ಟೂರ್ನಿಯಲ್ಲಿ ಮೊತ್ತ ಬೆನ್ನಟ್ಟುವಿಕೆಯ ದಾಖಲೆ ನಿರ್ಮಿಸಿತು.
ಆರಂಭ ಆಟಗಾರ ಮ್ಯಾಥ್ಯೂ ಶಾರ್ಟ್‌ (63), ಅಲೆಕ್ಸ್‌ ಕ್ಯಾರಿ (69) ಮತ್ತು ಮಾರ್ನಸ್‌ ಲಾಬುಷೇನ್ (47) ಅವರೂ ಆಸ್ಟ್ರೇಲಿಯಾದ ಗೆಲುವಿಗೆ ಕಾಣಿಕೆ ನೀಡಿದರು. ಅದರಲ್ಲೂ ಮೊತ್ತ 4 ವಿಕೆಟ್‌ಗೆ 136 ಆಗಿದ್ದಾಗ ಜೊತೆಗೂಡಿದ ಡಕೆಟ್‌ ಮತ್ತು ಅಲೆಕ್ಸ್‌ ಕ್ಯಾರಿ ಐದನೇ ವಿಕೆಟ್‌ಗೆ 110 ಎಸೆತಗಳಲ್ಲಿ 146 ರನ್ಗಳ ಜೊತೆಯಾಟದಲ್ಲಿ ಭಾಗಿಯಾದರು. ಈ ಜೊತೆಯಾಟ ಪಂದ್ಯದ ಗತಿಯನ್ನು ಬದಲಾಯಿಸಿತು.
ಅವರ ಆಟದಲ್ಲಿ ಎಂಟು ಬೌಂಡರಿಗಳ ಜೊತೆ ಆರು ಸಿಕ್ಸರ್‌ಗಳಿದ್ದವು
ಇದಕ್ಕೆ ಮೊದಲು, ಆರಂಭ ಆಟಗಾರ ಬೆನ್‌ ಡಕೆಟ್‌ ಅವರ ಮೂರನೇ ಶತಕದ ನೆರವಿನಿಂದ ಇಂಗ್ಲೆಂಡ್ ತಂಡ ದೊಡ್ಡ ಮೊತ್ತ ಕಲೆಹಾಕಿತ್ತು. ಎಡಗೈ ಬ್ಯಾಟರ್‌ ಡಕೆಟ್‌, 17 ಬೌಂಡರಿಗಳ ಜೊತೆ ಮೂರು ಭರ್ಜರಿ ಸಿಕ್ಸರ್‌ಗಳನ್ನೂ ಸಿಡಿಸಿ ಇಂಗ್ಲೆಂಡ್ ಇನಿಂಗ್ಸ್‌ಗೆ ಆಧಾರವಾದರು.ಈ ಟೂರ್ನಿಯಲ್ಲಿ ಇದು ಆಟಗಾರನೊಬ್ಬನ ಗರಿಷ್ಠ ವೈಯಕ್ತಿಕ ಮೊತ್ತ. ಡಕೆಟ್‌ ಮೂರನೇ ವಿಕೆಟ್‌ಗೆ ಜೋ ರೂಟ್ (68, 78 ಎಸೆತ) ಜೊತೆ 158 ರನ್ ಸೇರಿಸಿ ಇಂಗ್ಲೆಂಡ್ ತಂಡ ದೊಡ್ಡ ಮೊತ್ತ ಗಳಿಸಲು ವೇದಿಕೆ ಸಿದ್ಧಪಡಿಸಿದರು.
ಸ್ಕೋರ್:
ಇಂಗ್ಲೆಂಡ್: 50 ಓವರುಗಳಲ್ಲಿ 8 ವಿಕೆಟ್‌ಗೆ 351 (ಬೆನ್‌ ಡಕೆಟ್‌ 165, ಜೋ ರೂಟ್ 68, ಜೋಸ್‌ ಬಟ್ಲರ್ 23, ಜೋಫ್ರಾ ಆರ್ಚರ್ ಔಟಾಗದೇ 21; ಬೆನ್‌ ದ್ವಾರ್ಶುಯಿಸ್‌ 66ಕ್ಕೆ3, ಜಂಪಾ 64ಕ್ಕೆ2, ಮಾರ್ನಸ್‌ ಲಾಬುಷೇನ್ 41ಕ್ಕೆ2);
ಆಸ್ಟ್ರೇಲಿಯಾ: 47.3 ಓವರುಗಳಲ್ಲಿ 5 ವಿಕೆಟ್‌ಗೆ 356 (ಮ್ಯಾಥ್ಯೂ ಶಾರ್ಟ್‌ 63, ಮಾರ್ನಸ್‌ ಲಾಬುಷೇನ್ 47, ಜೋಶ್ ಇಂಗ್ಲಿಸ್ ಔಟಾಗದೇ 120, ಅಲೆಕ್ಸ್‌ ಕ್ಯಾರಿ 69, ಗ್ಲೆನ್‌ ಮ್ಯಾಕ್ಸ್‌ವೆಲ್ ಔಟಾಗದೇ 32).
