ಮೆಲ್ಬರ್ನ್: ಚುಟುಕು ಕ್ರಿಕೆಟ್ ವಿಶ್ವ ಕಪ್ ಪಂದ್ಯಾವಳಿ ಆಸ್ಟ್ರೇಲಿಯಾದಲ್ಲಿ ಆರಂಭಗೊಂಡಿದೆ. ಟ್ವೆಂಟಿ-20 ವಿಶ್ವಕಪ್ ಟೂರ್ನಿಯ ಗ್ರೂಪ್ ಹಂತದ ಆರಂಭಿಕ ಪಂದ್ಯದಲ್ಲಿ ನಮೀಬಿಯಾ ಕ್ರಿಕೆಟ್ ತಂಡದ ವಿತುದ್ಧ ಶ್ರೀಲಂಕಾ ತಂಡ 55 ರನ್‌ಗಳಿಂದ ಸೋಲನುಭವಿಸಿದೆ. ಗೆಲ್ಲಲು 164 ರನ್ ಗುರಿ ಪಡೆದಿದ್ದ ಶ್ರೀಲಂಕಾ ಬ್ಯಾಟಿಂಗ್ ವೈಫಲ್ಯಕ್ಕೆ ಒಳಗಾಯಿತು.19 ಓವರ್
ಗಳಲ್ಲಿ 108 ರನ್ ಗಳಿಸುವಷ್ಟರಲ್ಲಿ ತನ್ನೆಲ್ಲಾ ವಿಕೆಟ್ ಗಳನ್ನು ಕಳೆದುಕೊಂಡಿತು.ಲಂಕೆಯ ಪರ ನಾಯಕ ದಸುನ್ ಶನಕ (29 ರನ್, 23 ಎಸೆತ)ಸರ್ವಾಧಿಕ ಸ್ಕೋರ್ ಗಳಿಸಿದರು. ಭಾನುಕಾ ರಾಜಪಕ್ಸ(20 ರನ್, 21 ಎಸೆತ)ಹಾಗೂ ಧನಂಜಯ ಡಿಸಿಲ್ವ(12)ಎರಡಂಕೆಯ ಸ್ಕೋರ್ ಗಳಿಸಿದರು.ಇದಕ್ಕೂ ಮೊದಲು ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ನಮೀಬಿಯಾ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 163 ರನ್ ಗಳಿಸಲು ಶಕ್ತವಾಯಿತು.ಜಾನ್ ಫ್ರೈಲಿಂಕ್(44 ರನ್,28 ಎಸೆತ) ಹಾಗೂ ಜೆಜೆ ಸ್ಮಿತ್(ಔಟಾಗದೆ 31,16 ಎಸೆತ)ನಮೀಬಿಯಾ ಸ್ಪರ್ಧಾತ್ಮಕ ಮೊತ್ತ ಗಳಿಸಲು ನೆರವಾದರು.
16 ತಂಡಗಳು ಭಾಗಿ:
ಆಸ್ಟ್ರೇಲಿಯ ಆತಿಥ್ಯದಲ್ಲಿ ಅ. 16ರಿಂದ ನ. 13ರ ತನಕ ನಡೆಯುವ ಪಂದ್ಯಾಟದಲ್ಲಿ 16 ತಂಡಗಳು ಪಾಲ್ಗೊಳ್ಳಲಿದ್ದು, ಇದರಲ್ಲಿ 8 ತಂಡಗಳು ನೇರ ಪ್ರವೇಶ ಪಡೆದಿವೆ. ಉಳಿದ 4 ತಂಡಗಳನ್ನು ನಿರ್ಧರಿಸಲು ಗ್ರೂಪ್ ಹಂತದ ಪಂದ್ಯಗಳನ್ನು ಆಯೋಜಿ ಸಲಾಗಿದ್ದು, ರವಿವಾರದಿಂದ ಈ ಸ್ಪರ್ಧೆ ಆರಂಭಗೆಒಂಡಿದೆ. ಎರಡು ಬಾರಿಯ ಚಾಂಪಿಯನ್ ವೆಸ್ಟ್‌ ಇಂಡೀಸ್‌, ಮಾಜಿ ಚಾಂಪಿ ಯನ್‌ ಶ್ರೀಲಂಕಾ ಸೇರಿದಂತೆ ಇಲ್ಲಿ 8 ತಂಡಗಳು ಅದೃಷ್ಟ ಪರೀಕ್ಷೆಗೆ ಇಳಿಯಲಿವೆ. ಗ್ರೂಪ್ ಹಂತದಲ್ಲಿ ಮೊದಲೆರಡು ಸ್ಥಾನ ಪಡೆದ ತಂಡಗಳು ಮುಖ್ಯ ಸುತ್ತು ಪ್ರವೇಶಿ ಸಲಿವೆ. ಇದು ಸೂಪರ್‌-12 ರೌಂಡ್‌. ಭಾರತ ಸೇರಿ 8 ತಂಡಗಳು ನೇರವಾಗಿ ಸೂಪರ್‌-12 ಹಂತಕ್ಕೆ ಪ್ರವೇಶ ಪಡೆದಿದೆ.
