ಸುಳ್ಯ:ರೋಟರಿ ಕ್ಲಬ್ ಸುಳ್ಯ ಸಿಟಿಯ 2026-27ನೇ ಸಾಲಿನ ನೂತನ
ಪದಾಧಿಕಾರಿಗಳ ಪದಗ್ರಹಣ ಸಮಾರಂಭ ರಥಬೀದಿಯ ರೋಟರಿ ಸಮುದಾಯ ಭವನ ಸಭಾಂಗಣದಲ್ಲಿ ನಡೆಯಿತು. ನೂತನ ಅಧ್ಯಕ್ಷ ರಾಗೇಶ್ ರಾಘವ್ ನೇತೃತ್ವದ ನೂತನ ಪದಾಧಿಕಾರಿಗಳ ತಂಡ ಅಧಿಕಾರ ಸ್ವೀಕರಿಸಿದರು. ಮಾತೃ ಸಂಸ್ಥೆಯಾದ
ಸುಳ್ಯ ರೋಟರಿ ಕ್ಲಬ್ ಅಧ್ಯಕ್ಷೆ ಲತಾ ಮಧುಸೂದನ್ ಪದಗ್ರಹಣ ನೆರವೇರಿಸಿ ಶುಭ ಹಾರೈಸಿದರು. ಡಿಸ್ಟ್ರಿಕ್ಟ್ ಚೀಫ್ ಎಡ್ವೈಸರ್ ಎ.ಆರ್.ರವೀಂದ್ರ ಭಟ್ ಮುಖ್ಯ ಅತಿಥಿಯಾಗಿದ್ದರು.
ವಲಯ 5ರ ಅಸಿಸ್ಟೆಂಟ್ ಗವರ್ನರ್ ಆನಂದ ಖಂಡಿಗ, ಝೋನಲ್ ಲೆಫ್ಟಿನೆಂಟ್ ಗಿರೀಶ್ ನಾರ್ಕೋಡ್, ಗವರ್ನರ್ ಅವರ ವಿಶೇಷ ಪ್ರತಿನಿಧಿ ಡಾ.ಕೇಶವ. ಪಿ.ಕೆ ಅತಿಥಿಗಳಾಗಿ ಭಾಗವಹಿಸಿದ್ದರು. ರೋಟರಿ ಕ್ಲಬ್ ಸುಳ್ಯ ಸಿಟಿಯ
ನಿರ್ಗಮನ ಅಧ್ಯಕ್ಷ ಅಧ್ಯಕ್ಷ ಹೇಮಂತ್ ಕಾಮತ್.ಕೆ ಸ್ವಾಗತಿಸಿ, ನೂತನ ಕಾರ್ಯದರ್ಶಿ ಪುರಂದರ ರೈ ವಂದಿಸಿದರು. ಪ್ರೀತಮ್ ಡಿ.ಕೆ.ಕಾರ್ಯಕ್ರಮ ನಿರೂಪಿಸಿದರು.
ಸುಳ್ಯ ರೋಟರಿ ಕ್ಲಬ್ ಸಿಟಿ 2026-27ನೇ ಸಾಲಿನ ನೂತನ ಅಧ್ಯಕ್ಷರಾಗಿ ರಾಗೇಶ್ ರಾಘವ್, ಕಾರ್ಯದರ್ಶಿಯಾಗಿ ಪುರಂದರ ರೈ ಪಿ ಹಾಗು ಕೋಶಾಧಿಕಾರಿಯಾಗಿ ನವೀನ್ ಚಂದ್ರ ಅಧಿಕಾರ ವಹಿಸಿಕೊಂಡರು.
ಉಪಾಧ್ಯಕ್ಷರಾಗಿ ಮಧು ಕಿರಣ್, ಕ್ಲಬ್ ಲರ್ನಿಂಗ್ ಫೆಸಿಲಿಟೇಟರ್ ಆಗಿ ಪ್ರೀತಮ್ ಡಿ.ಕೆ, ಕ್ಲಬ್ ಸರ್ಜೆಂಟ್ ಎಟ್ ಆರ್ಮ್ಸ್ ಆಗಿ ಮುರಳಿಧರ ರೈ, ಕ್ಲಬ್ ಎಕ್ಸಿಕ್ಯುಟಿವ್ ಚೇರ್ಮೆನ್ ಆಗಿ ಪ್ರಮೋದ್ ಕುಮಾರ್, ಕ್ಲಬ್ ಮೆಂಬರ್ಶಿಪ್ ಚೇರ್ಮನ್ ಆಗಿ ಅಭಿಷೇಕ್ ಕೇಕಡ್ಕ, ಕ್ಲಬ್ ವೊಕೇಶನಲ್ ಸರ್ವೀಸ್ ಚೇರ್ಮನ್ ಆಗಿ ಶಿವಪ್ರಸಾದ್ ಕೆ.ವಿ, ಕ್ಲಬ್ ಸರ್ವೀಸ್ ಪ್ರೋಜೆಕ್ಟ್ ಚೇರ್ಮೆನ್ ಆಗಿ ಗಿರೀಶ್ ನಾರ್ಕೊಡ್, ಕ್ಲಬ್ ಫೌಂಡೇಶನ್ ಚೇರ್ಮೆನ್ ಆಗಿ ಹೇಮಂತ್ ಕಾಮತ್, ಕ್ಲಬ್ ನ್ಯೂ ಜನರೇಷನ್ ಚೇರ್ಮೆನ್ ಆಗಿ ಮುಕುಂದ ನಾರ್ಕೊಡು, ಕ್ಲಬ್ ಪಬ್ಲಿಕ್ ಇಮೇಜ್ ಚೇರ್ಮೆನ್ ಆಗಿ ರವಿಕಿರಣ್ ಪಿ ಎನ್, ಪಲ್ಸ್ ಪೋಲಿಯೊ ಚೇರ್ಮೆನ್ ಆಗಿ ಡಾ.ಅಮಿತ್ ಕುಮಾರ್ ಟಿ ಅಧಿಕಾರ ವಹಿಸಿಕೊಂಡಿದ್ದಾರೆ.
