ಪಂಜ:ಲಯನ್ಸ್ ಕ್ಲಬ್ ಪಂಜ , ಲಯನ್ಸ್ ಸೇವಾಟ್ರಸ್ಟ್ ಪಂಜ ವತಿಯಿಂದ ಶ್ರೀಮತಿ ದಿ.ಅಮ್ಮಕ್ಕ ಮತ್ತು ದಿ.ಮರಿಯಣ್ಣ ಗೌಡ ಬಿಳಿಮಲೆ ಸ್ಮರಣಾರ್ಥ ನಿರ್ಮಾಣಗೊಂಡ ಲಯನ್ಸ್ ಭವನದ ಉದ್ಘಾಟನಾ ಸಮಾರಂಭ ಜೂ.1ರಂದು ಬೆಳಿಗ್ಗೆ 10.30ಕ್ಕೆ ನಡೆಯಲಿದೆ. ಲಯನ್ಸ್ ಜಿಲ್ಲೆ 317 ಡಿ ಇದರ ರಾಜ್ಯಪಾಲ
ಡಾ. ಮೇಲ್ವಿನ್ ಡಿ’ಸೋಜ ಉದ್ಘಾಟಿಸಲಿದ್ದಾರೆ. ನಿಕಟಪೂರ್ವ ರಾಜ್ಯಪಾಲ ಸಂಜೀತ್ ಶೆಟ್ಟಿ ನಾಮಪಲಕ ಅನಾವರಣಗೊಳಿಸಲಿದ್ದಾರೆ. ಲಯನ್ಸ್ ಮಲ್ಟಿಪಲ್ ಕೌನ್ಸಿಲ್ ನಿಕಟಪೂರ್ವಾಧ್ಯಕ್ಷ ವಸಂತ ಶೆಟ್ಟಿ ದಾನಿಗಳ ಫಲಕ ಅನಾವರಣ ಗೊಳಿಸಲಿದ್ದಾರೆ. ಪಂಜ ಲಯನ್ಸ್ ಕ್ಲಬ್ ಅಧ್ಯಕ್ಷ ದಿಲೀಪ್ ಬಾಬ್ಲುಬೆಟ್ಟು ಸಭಾಧ್ಯಕ್ಷತೆ ವಹಿಸಲಿದ್ದಾರೆ. ಸ್ಥಳ ದಾನಿಗಳಾದ ಯಶೋಧ ಚಿದಾನಂದ ಬಿಳಿಮಲೆ ಅವರನ್ನು ಮಾಜಿ ರಾಜ್ಯಪಾಲ ಎಂ. ಬಿ ಸದಾಶಿವ ಸನ್ಮಾನಿಸಲಿದ್ದಾರೆ. ಅತಿಥಿಗಳಾಗಿ ಪಂಜ ಗ್ರಾಮ ಪಂಚಾಯತ್ ಅಧ್ಯಕ್ಷ ವಿಜಯಲಕ್ಷ್ಮಿ ಜಳಕದಹೊಳೆ, ಲಯನ್ಸ್ ಜಿಲ್ಲಾ ಉಪ ರಾಜ್ಯಪಾಲೆ ಭಾರತಿ ಬಿ ಎಂ, ದ್ವಿತೀಯ ರಾಜ್ಯಪಾಲ ಕುಡ್ಪಿ ಅರವಿಂದ ಶೆಣೈ (ಚುನಾಯಿತ)ರಾಜ್ಯಪಾಲ ಎಚ್ ಎಂ ತಾರಾನಾಥ್,ಮಾಜಿ ರಾಜ್ಯಪಾಲ
ಗೀತ ಪ್ರಕಾಶ್, ಪ್ರಾಂತೀಯ ಅಧ್ಯಕ್ಷೆ ರೇಣುಕಾ ಸದಾನಂದ ಜಾಕೆ ಭಾಗವಹಿಸಲಿದ್ದಾರೆ. ಕ್ಲಬ್ ನ ಸದಸ್ಯರಾಗಿದ್ದ ದಿ. ಚಿದಾನಂದ ಬಿಳಿಮಲೆ ಹಾಗೂ ಯಶೋಧ ಬೆಳಿಮಲೆ ದಂಪತಿಗಳು ಸುಮಾರು 5 ಸೆಂಟ್ಸ್ ಸ್ಥಳವನ್ನು ದಾನವಾಗಿ ಪಂಜದ ಹೃದಯಭಾಗದಲ್ಲಿ (ಚರ್ಚ್ ಗೇಟ್ ಬಳಿ) ನೀಡಿರುತ್ತಾರೆ. ಇಲ್ಲಿ ದಿ.ಶ್ರೀಮತಿ ಅಮ್ಮಕ್ಕ ಮತ್ತು ದಿ.ಮರಿಯಣ್ಣ ಗೌಡ ಬಿಳಿಮಲೆ ಅವರ ಸ್ಮರಣಾರ್ಥ ಲಯನ್ಸ್ ಭವನವೊಂದನ್ನು ನಿರ್ಮಿಸಲಾಗಿದೆ. ಸುಮಾರು 2000 ಚದರ ಅಡಿಯ ಎರಡು ಅಂತಸ್ತಿನ ಕಟ್ಟಡದಲ್ಲಿ ಸುಸಜ್ಜಿತ ಸಭಾಂಗಣ, ಭೋಜನ ಶಾಲೆ, ಹಾಗೂ ಸಭಾ ಕೊಠಡಿಯನ್ನು ಒಳಗೊಂಡಿರುತ್ತದೆ. ಈಗಾಗಲೇ ನೀಲ ನಕಾಶೆಯಂತೆ ಅಂದಾಜು ವೆಚ್ಚ ರೂ 50 ಲಕ್ಷ ವೆಚ್ಚದಲ್ಲಿ ಲಯನ್ಸ್ ಭವನದ ನೆಲ ಅಂತಸ್ತಿನ ಕಾಮಗಾರಿ ಪೂರ್ಣಗೊಂಡಿದ್ದು ನಾಳರ ಲೋಕಾರ್ಪಣೆ ನಡೆಯಲಿದೆ.ಪಂಜದಲ್ಲಿ ಕಳೆದ 14 ವರ್ಷಗಳಿಂದ ಅಂತಾರಾಷ್ಟ್ರೀಯ ಲಯನ್ಸ್ ಸಂಸ್ಥೆ ಕ್ರಿಯಾಶೀಲವಾಗಿ ಕಾರ್ಯ ನಿರ್ವಹಿಸುತಿದೆ.
