ನವಿ ಮುಂಬೈ: ಸ್ಮೃತಿ ಮಂದಾನ (109; 95ಎ) ಮತ್ತು ಪ್ರತೀಕಾ ರಾವಲ್ (122;134ಎ) ಅವರ ಶತಕಗಳ ಆರ್ಭಟದಿಂದಾಗಿ ಭಾರತ ಮಹಿಳಾ ಕ್ರಿಕೆಟ್ ತಂಡವು ಗುರುವಾರ ನ್ಯೂಜಿಲೆಂಡ್ ತಂಡವನ್ನು ಡಕ್ವರ್ಥ್ ಲೂಯಿಸ್ ನಿಯಮದನ್ವಯ 53 ರನ್ಗಳಿಂದ ಮಣಿಸಿ, ಮಹಿಳೆಯರ ವಿಶ್ವಕಪ್ ಏಕದಿನ ಕ್ರಿಕೆಟ್ ಟೂರ್ನಿಯಲ್ಲಿ ಸೆಮಿಫೈನಲ್ಗೆ ಮುನ್ನಡೆಯಿತು.ಮೊದಲು ಬ್ಯಾಟ್ ಮಾಡಿದ ಆತಿಥೇಯ ಭಾರತ ತಂಡವು
49 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 340 ರನ್ ಗಳಿಸಿತು. ಮಳೆ ಬಂದ ಕಾರಣ ಭಾರತದ ಇನಿಂಗ್ಸ್ನಲ್ಲಿ ಒಂದು ಓವರ್ ಕಡಿತ ಮಾಡಿ ಆಡಿಸಲಾಗಿತ್ತು. ಮತ್ತೆಯೂ ಮಳೆ ಸುರಿದ ಕಾರಣ ಡಿಎಲ್ಎಸ್ ನಿಯಮದನ್ವಯ ನ್ಯೂಜಿಲೆಂಡ್ ತಂಡಕ್ಕೆ ಗುರಿಯನ್ನು 325 ರನ್ಗಳಿಗೆ (44 ಓವರ್ಗಳಲ್ಲಿ) ಪರಿಷ್ಕರಿಸಲಾಯಿತು.ಗುರಿಯನ್ನು ಬೆನ್ನಟ್ಟಿದ ನ್ಯೂಜಿಲೆಂಡ್ 8 ವಿಕೆಟ್ಗೆ 271 ರನ್ ಗಳಿಸಿ ಹೋರಾಟವನ್ನು ಮುಗಿಸಿತು. ನಂತರದಲ್ಲಿ ಅಮೆಲಿಯಾ ಕೆರ್ (45; 53ಎ), ಬ್ರೂಕ್ ಹ್ಯಾಲಿಡೇ (81;84ಎ) ಮತ್ತು ವಿಕೆಟ್ ಕೀಪರ್ ಇಸಾಬೆಲ್ಲಾ ಗೇಜ್ (ಔಟಾಗದೇ 65;51ಎ) ಅವರು ಹೋರಾಟ ತೋರಿದರೂ ಗೆಲುವಿಗೆ ಅದು ಸಾಕಾಗಲಿಲ್ಲ. ಭಾರತದ ಪರ ರೇಣುಕಾ ಸಿಂಗ್ ಮತ್ತು ಕ್ರಾಂತಿ ಗೌಡ್ ತಲಾ ಎರಡು ವಿಕೆಟ್ ಪಡೆದರು.
ಈ ಗೆಲುವಿನೊಂದಿಗೆ ಭಾರತ, ನಾಲ್ಕನೇ ತಂಡವಾಗಿ ಸೆಮಿಫೈನಲ್ ಪ್ರವೇಶಿಸಿತು. ಇದಕ್ಕೂ ಮುನ್ನ ಆಸ್ಟ್ರೇಲಿಯಾ, ಇಂಗ್ಲೆಂಡ್ ಮತ್ತು ದಕ್ಷಿಣ ಆಫ್ರಿಕಾ ತಂಡಗಳು ನಾಲ್ಕರ ಘಟ್ಟಕ್ಕೆ ಮುನ್ನಡೆದಿದ್ದವು. ಈ ಸೋಲಿನೊಂದಿಗೆ ನ್ಯೂಜಿಲೆಂಡ್ ತಂಡದ ಸೆಮಿಫೈನಲ್ ಕನಸು ಕಮರಿತು. ಇದಕ್ಕೂ ಮುನ್ನ ನ್ಯೂಜಿಲೆಂಡ್ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಆರಂಭಿಕ ಜೋಡಿ ಸ್ಮೃತಿ ಮತ್ತು ಪ್ರತೀಕಾ ಭರ್ಜರಿ ಶತಕ ಸಿಡಿಸಿದರು.
ಸ್ಮೃತಿ ಒಟ್ಟಾರೆ 14ನೇ ಏಕದಿನ ಕ್ರಿಕೆಟ್ ಶತಕವಾಗಿದೆ.
ಪ್ರತೀಕಾ ಅವರಿಗೆ ವಿಶ್ವಕಪ್ ಟೂರ್ನಿ ಯಲ್ಲಿ ಇದು ಮೊದಲ ಶತಕ. ಮೊದಲ ವಿಕೆಟ್ ಜೊತೆಯಾಟದಲ್ಲಿ ಇಬ್ಬರೂ ದಾಖಲೆಯ 212 ರನ್ ಸೇರಿಸಿದರು. ಇದರಿಂದಾಗಿ ತಂಡವು ಪ್ರಸಕ್ತ ಟೂರ್ನಿಯ ಗರಿಷ್ಠ ಮೊತ್ತವನ್ನು ದಾಖಲಿಸಿತು. ಪ್ರತೀಕಾ ಅವರು ಎರಡನೇ ವಿಕೆಟ್ ಜೊತೆ ಯಾಟ ದಲ್ಲಿ ಜೆಮಿಮಾ ರಾಡ್ರಿಗಸ್ ಅವ ರೊಂದಿಗೆ 76 ರನ್ ಕಲೆಹಾಕಿದರು. ಜೆಮಿಮಾ ಅವರಿಗೆ ಒಂದು ಜೀವದಾನ ಲಭಿಸಿತು. ಇದರ ಲಾಭ ಪಡೆದ ಅವರು 39 ಎಸೆತಗಳಲ್ಲಿ ಅರ್ಧಶತಕ ಹೊಡೆದರು. ಇದು ವಿಶ್ವಕಪ್ ಟೂರ್ನಿಯ ವೇಗದ ಅರ್ಧಶತಕವಾಗಿ ದಾಖಲಾಯಿತು.
