ರಾವಲ್ಪಿಂಡಿ: ಪಾಕಿಸ್ತಾನದ ವಿರುದ್ಧ ಬಾಂಗ್ಲಾದೇಶ ತಂಡವು ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಭರ್ಜರಿ ಗೆಲುವು ದಾಖಲಿಸಿದೆ.ಈ ಮೂಲಕ ಪಾಕಿಸ್ತಾನಕ್ಕೆ ತವರಿನಲ್ಲೇ ಭಾರೀ ಹಿನ್ನಡೆಯಾಗಿದೆ. ರಾವಲ್ಪಿಂಡಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಬಾಂಗ್ಲಾದೇಶವು ಹತ್ತು ವಿಕೆಟ್ ಗಳ ಅಂತರದ ಭರ್ಜರಿ ಗೆಲುವು ಸಾಧಿಸಿದೆ. ಇದು ಬಾಂಗ್ಲಾದೇಶದ ಪಾಕಿಸ್ತಾನ ವಿರುದ್ದದ
ಮೊದಲ ಟೆಸ್ಟ್ ಗೆಲುವಾಗಿದೆ. ಎರಡನೇ ಇನ್ನಿಂಗ್ಸ್‌ ನಲ್ಲಿ ಒಂದು ವಿಕೆಟ್‌‌ಗೆ 23 ರನ್‌ ಗಳಿಸಿದ್ದಲ್ಲಿಂದ ಇಂದಿನ ದಿನದಾಟ ಆರಂಭಿಸಿದ ಪಾಕಿಸ್ಥಾನವು ಸತತ ವಿಕೆಟ್ ಕಳೆದುಕೊಂಡಿತು. ಶಕೀಬ್‌ ಮತ್ತು ಮೆಹದಿ ಹಸನ್‌ ದಾಳಿಗೆ ಸಿಲುಕಿದ ಪಾಕಿಸ್ತಾನ ಕೇವಲ 146 ರನ್‌ ಗಳಿಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡಿತು.
ಪಾಕಿಸ್ತಾನದ ಪರ ರಿಜ್ವಾನ್ 51 ರನ್‌, ಶಫೀಖ್‌ 37 ರನ್‌ ಗಳಿಸಿದರು. ಬಾಂಗ್ಲಾ ಪರವಾಗಿ ಮೆಹದಿ ಹಸನ್‌ ಮಿರಾಜ್‌ ನಾಲ್ಕು ವಿಕೆಟ್ ಕಿತ್ತರೆ, ಶಕೀಬ್‌ ಮೂರು ವಿಕೆಟ್ ಪಡೆದರು.
ಗೆಲುವಿಗೆ ಕೇವಲ 30 ರನ್‌ ಗುರಿ ಪಡೆದ ಬಾಂಗ್ಲಾದೇಶ ತಂಡವು 6.3 ಓವರ್‌ ಗಳಲ್ಲಿ ಯಾವುದೇ ವಿಕೆಟ್ ನಷ್ಟವಿಲ್ಲದೆ ಗುರಿ ತಲುಪಿತು. ಮೊದಲ ಇನ್ನಿಂಗ್ಸ್‌ ನಲ್ಲಿ 191 ರನ್‌ ಬಾರಿಸಿದ್ದ ಮುಶ್ಫೀಕರ್‌ ರಹೀಂ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. ಸ್ಜೋರ್: ಪಾಕಿಸ್ಥಾನ 458 ಮತ್ತು 146
ಬಾಂಗ್ಲಾದೇಶ: 565 ಮತ್ತು 30-0
