ಸುಳ್ಯ;ವಿಧಾನ ಪರಿಷತ್ ನೈರುತ್ಯ ಪದವೀಧರ ಹಾಗೂ ಶಿಕ್ಷಕರ ಕ್ಷೇತ್ರದ ಚುನಾವಣೆಯಲ್ಲಿ ಬಿರುಸಿನ ಮತದಾನ ನಡೆಯುತಿದೆ.ಪೂ. 8 ರಿಂದ ಮತದಾನ ಆರಂಭಗೊಂಡಿದ್ದು ಸಂಜೆ 4 ಗಂಟೆಯವರೆಗೆ ನಡೆಯಲಿದೆ. ಸುಳ್ಯ ತಾಲೂಕಿನಲ್ಲಿ ಪಧವೀಧರ ಕ್ಷೇತ್ರಕ್ಕೆ ಎರಡು ಮತ್ತು ಶಿಕ್ಷಕರ ಕ್ಷೇತ್ರಕ್ಕೆ ಎರಡು ಮತಗಟ್ಟೆಗಳಲ್ಲಿ ಮತದಾನ ನಡೆಯುತಿದೆ. 10 ಗಂಟೆಯ ವೇಳೆಗೆ
ಪದವೀಧರ ಕ್ಷೇತ್ರದಲ್ಲಿ ಸುಳ್ಯದಲ್ಲಿ ಶೇ.12.13, ಪಂಜದಲ್ಲಿ ಶೇ.22.32 ಶಿಕ್ಷಕರ ಕ್ಷೇತ್ರದಲ್ಲಿ ಸುಳ್ಯದಲ್ಲಿ ಶೇ.13.74 ಪಂಜದಲ್ಲಿ ಶೇ.23.21 ಮತದಾನ ದಾಖಲಾಗಿದೆ.
ಪದವೀಧರ ಕ್ಷೇತ್ರಕ್ಕೆ ಸುಳ್ಯ ತಾಲೂಕು ಆಡಳಿತ ಸೌಧ(ಹಳೆಯ ಕಟ್ಟಡ) ಮತಗಟ್ಟೆ ಸಂಖ್ಯೆ 23 ಹಾಗೂ ನಾಡ ಕಚೇರಿ ಪಂಜ(ಹಳೆಯ ಕಟ್ಟಡ) ಮತಗಟ್ಟೆ ಸಂಖ್ಯೆ 24, ಶಿಕ್ಷಕರ ಕ್ಷೇತ್ರಕ್ಕೆ ಸುಳ್ಯ ತಾಲೂಕು ಆಡಳಿತ ಸೌಧ(ಹೊಸ ಕಟ್ಟಡ) ಮತಗಟ್ಟೆ ಸಂಖ್ಯೆ 23, ನಾಡಕಚೇರಿ ಪಂಜ(ಹೊಸ ಕಟ್ಟಡ) ಮತಗಟ್ಟೆ ಸಂಖ್ಯೆ 24 ಸಿದ್ಧಪಡಿಸಲಾಗಿದೆ.
ಪದವೀಧರ ಕ್ಷೇತ್ರದಲ್ಲಿ ಸುಳ್ಯ ತಾಲೂಕಿನಲ್ಲಿ 706 ಗಂಡು ಹಾಗೂ 689 ಹೆಣ್ಣು ಸೇರಿ 1395, ಮತದಾರರಿದ್ದಾರೆ.ಶಿಕ್ಷಕರ ಕ್ಷೇತ್ರದಲ್ಲಿ ತಾಲೂಕಿನಲ್ಲಿ 244 ಗಂಡು ಹಾಗೂ 285 ಹೆಣ್ಣು ಸೇರಿ 529 ಮತದಾರರಿದ್ದಾರೆ.
ಕಾಂಗ್ರೆಸ್ ಪಕ್ಷದ ಪದವೀಧರ ಕ್ಷೇತ್ರದಲ್ಲಿ ಅಭ್ಯರ್ಥಿ ಆಯನೂರು ಮಂಜುನಾಥ್, ಬಿಜಪಿಯ ಡಾ.ಧನಂಜಯ ಸರ್ಜಿ, ಬಿಜೆಪಿ ಬಂಡಾಯವಾಗಿ ಸ್ಪರ್ಧಿಸುವ ಸ್ವತಂತ್ರ ಅಭ್ಯರ್ಥಿ ರಘುಪತಿ ಭಟ್, ಕಾಂಗ್ರೆಸ್ ಬಂಡಾಯದ ಸ್ವತಂತ್ರ ಅಭ್ಯರ್ಥಿ ಎಸ್.ಪಿ.ದಿನೇಶ್ ಕಣದಲ್ಲಿರುವ ಪ್ರಮುಖ ಅಭ್ಯರ್ಥಿಗಳು.
ಶಿಕ್ಷಕರ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಡಾ. ಕೆ ಕೆ ಮಂಜುನಾಥ್ ಕುಮಾರ್ ಹಾಗೂ ಬಿಜೆಪಿ-ಜೆಡಿಎಸ್ ಮೈತ್ರಿ ಅಭ್ಯರ್ಥಿ ಎಸ್.ಎಲ್.ಭೋಜೇ ಗೌಡ ಮಧ್ಯೆ ಸ್ಪರ್ಧೆ ನಡೆಯುತಿದೆ.
