ಸುಳ್ಯ:ವಿದ್ಯಾರ್ಥಿಗಳಲ್ಲಿ ಜೀವನ ಕೌಶಲ್ಯವನ್ನು ಬೆಳೆಸುವ ಉದ್ದೇಶದಿಂದ ಸ.ಪ.ಪೂ.ಕಾ ಸುಳ್ಯ ಇದರ 8 ಮತ್ತು 9ನೇ ತರಗತಿಯ ವಿದ್ಯಾರ್ಥಿಗಳಿಗಾಗಿ ನಡೆದ ಕಲರವ ವಿಶೇಷ ಶಿಬಿರ ಸಮಾಪನಗೊಂಡಿತು. 15 ದಿವಸಗಳ ಈ ಶಿಬಿರದಲ್ಲಿ ಸುಮಾರು 90 ವಿದ್ಯಾರ್ಥಿಗಳು ಭಾಗವಹಿಸಿ ವಿವಿಧ ಚಟುವಟಿಕೆಗಳು ಹಾಗೂ ಕ್ಷೇತ್ರ ಭೇಟಿಗಳ ಮೂಲಕ ಜೀವನ ಅನುಭವ ಪಡೆದರು. ತಾ.ಪಂ.ಕಾರ್ಯನಿರ್ವಹಣಾಧಿಕಾರಿಗಳಾದ ರಾಜಣ್ಣ ಅವರಿಂದ
ಸ್ಥಳೀಯ ಸರಕಾರ, ಪುರುಷೋತ್ತಮ ಎಂ ಎಸ್ ಇವರಿಂದ ಕರಕುಶಲತೆ, ಶಿಕ್ಷಕರಾದ ಇಬ್ರಾಹಿಂ ಗಾಂಧಿನಗರ ಇವರಿಂದ ಸರಳ ಪ್ರಯೋಗಗಳು, ನಾಗರಾಜ ಪೆರ್ಲಂಪಾಡಿ ಇವರಿಂದ ಹಾಡುಗಾರಿಕೆ, ಹೇಮಂತ್ ಉಡುಪಿ ಇವರಿಂದ ಜನಪದ ನೃತ್ಯ, ಕೃಷ್ಣಪ್ಪ ಬಂಬಿಲ ಇವರಿಂದ ರಂಗಭೂಮಿ, ವಾಸುದೇವ ರೈ ಇವರಿಂದ ಮುಖವರ್ಣಿಕೆ, ದುರ್ಗಾ ಕುಮಾರ್ ನಾಯರ್ ಕೆರೆ ಇವರಿಂದ ಪತ್ರಿಕೋದ್ಯಮ, ಅರವಿಂದ ಕುಡ್ಲ ಇವರಿಂದ
ಪರಿಸರ ಮತ್ತು ಪಕ್ಷಿ ವೀಕ್ಷಣೆ, ಪಟ್ಟಾಭಿರಾಮ ಸುಳ್ಯ ಇವರಿಂದ ಮಿಮಿಕ್ರಿ ಮತ್ತು ಶ್ಯಾಡೋ ಪ್ಲೇ, ಚಂದ್ರಮತಿ ಮತ್ತು ಮಮತಾ ಅವರಿಂದ ಕಥೆ ಮತ್ತು ಕವನ ರಚನೆ. ಪೂರ್ಣಿಮಾ ಟಿ ಹಾಗು ಲತಾ ವೆಂಕಟೇಶ ಪೈ ಇವರಿಂದ ಸ್ಕೌಟ್ ಇತ್ಯಾದಿ ವಿಷಯಗಳ ಬಗ್ಗೆ ಸೋದಾರಣ ಮಾಹಿತಿಗಳನ್ನು ಶಿಬಿರಾರ್ಥಿಗಳು ಪಡೆದರು. ಕ್ಷೇತ್ರ ಭೇಟಿಯಲ್ಲಿ ತಾಲೂಕು ಪಂಚಾಯತ್ ಸುಳ್ಯ, ಅರಂಬೂರು ಫೈವುಡ್ ಕಾರ್ಖಾನೆ, ಅರಂಬೂರಿನ ಮರದ ಡಿಪೋ, ಸ್ನೇಹ ಶಾಲೆ ಸುಳ್ಯ, ಗಾಂಧಿನಗರ ಕೆಪಿಎಸ್ ಶಾಲೆಯ ವಿಜ್ಞಾನ ಪ್ರಯೋಗಾಲಯ, ಕೆವಿಜಿ ಮೆಡಿಕಲ್ ಕಾಲೇಜ್, ಕೆವಿಜಿ ಆಯುರ್ವೇದ ಕಾಲೇಜ್, ಪತ್ರಿಕಾ ಭವನ ಸುಳ್ಯ, ಕನ್ನಡ ಭವನ ಸುಳ್ಯ ಇಲ್ಲಿಗೆ ಭೇಟಿ ನೀಡಿ ಪರಿಣತರಿಂದ ವಿಶೇಷ ಮಾಹಿತಿಗಳನ್ನು ಶಿವಿರಾರ್ಥಿಗಳು ಪಡೆದರು. ಸುಳ್ಯದ ಶಾಸಕರಾದ ಭಾಗೀರಥಿಯ ಮುರುಳ್ಯ ಇವರ ಜೊತೆ ಸಂವಾದ, ಪತ್ರಿಕಾ ಭವನದಲ್ಲಿ ಪತ್ರಕರ್ತರ ಜೊತೆ ನೇರ ಸಂವಾದ, ಸುಳ್ಯ ನ್ಯಾಯಾಲಯದ ಕಲಾಪಗಳ ನೇರ ವೀಕ್ಷಣೆ, ಬಂಟಮಲೆಗೆ ಅಧ್ಯಯನ ಪ್ರವಾಸ ಇವು ಶಿಬಿರದ ವಿಶೇಷತೆಗಳಲ್ಲಿ ಕೆಲವು. ಉಪಪ್ರಾಂಶಪಾಲರಾದ ಪ್ರಕಾಶ ಮೂಡಿತಾಯ ಇವರ ನಿರ್ದೇಶನದಲ್ಲಿ ನಡೆದ ಶಿಬಿರವನ್ನು
ಶಿಕ್ಷಕರಾದ ಚಂದ್ರಾವತಿ ಹಾಗೂ ಜಲಜಾಕ್ಷಿ ಸಂಘಟಿಸಿದರು. ಶಿಬಿರದ ಕೊನೆಯ ದಿನ ವಸ್ತುಪ್ರದರ್ಶನ, ವಿಜ್ಞಾನ ಪ್ರಯೋಗಗಳು, ವಿವಿಧ ಸಾಹಿತ್ಯ ರಚನೆಗಳ ಬಿಡುಗಡೆ, ರಂಗಚಟುವಟಿಕೆ, ಹಾಡು, ಅನುಭವ ಕಥನ ಇತ್ಯಾದಿ ಕಾರ್ಯಕ್ರಮಗಳನ್ನು ಶಿಬಿರಾರ್ಥಿಗಳೇ ಸಂಘಟಿಸಿದರು. ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ಕೃಷ್ಣಪ್ಪ, ಸಮನ್ವಯಾಧಿಕಾರಿಗಳಾದ ಶೀತಲ್, ಹಿರಿಯ ವಿದ್ಯಾರ್ಥಿ ಸಂಘದ ಅಧ್ಯಕ್ಷರಾದ ಸುದಾಕರ ರೈ, ಎಸ್.ಡಿ.ಎಮ್.ಸಿ. ಅಧ್ಯಕ್ಷರಾದ ರಾಜೇಶ್ವರಿ ಕಾಡುತೋಟ, ಯುವಜನ ಸಂಯುಕ್ತ ಮಂಡಳಿಯ ಅಧ್ಯಕ್ಷರಾದ ವಿಜಯಕುಮಾರ್, ಇ.ಸಿ.ಒ ಸಂದ್ಯಾಕುಮಾರಿ, ಸಿ.ಆರ್.ಪಿ. ಮಮತಾ ಪಡಂಬೈಲು, ಪ್ರಸನ್ನ ಐವರ್ನಾಡು, ಲೋಕೇಶ್ ಉರುಬೈಲ್, ಪ್ರೌಢ ಶಾಲಾ ಮುಖ್ಯೋಪಾಧ್ಯಾಯರಾದ ಸುರೇಶ್ ಕುಮಾರ್, ಸಂದ್ಯಾ ಕುಮಾರಿ ಎಲಿಮಲೆ ಇವರು ಶಿಬಿರಕ್ಕೆ ಭೇಟಿ ನೀಡಿದರು.
