ಕೋಲ್ಕತಾ: ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಐಪಿಎಲ್ ಪಂದ್ಯದಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ತಂಡವನ್ನು 49 ರನ್ ಅಂತರದಿಂದ ಮಣಿಸಿದೆ.ರವಿವಾರ ರಾತ್ರಿ ನಡೆದ ಪಂದ್ಯದಲ್ಲಿ ಗೆಲ್ಲಲು 236 ರನ್ ಕಠಿಣ ಗುರಿ ಪಡೆದಿದ್ದ ಕೆಕೆಆರ್ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ಗಳ ನಷ್ಟಕ್ಕೆ
186 ರನ್ ಗಳಿಸಿ ಸೋಲೊಪ್ಪಿಕೊಂಡಿತು.
ಕೆಕೆಆರ್ ಪರ ಜೇಸನ್ ರಾಯ್(61 ರನ್, 26 ಎಸೆತ)ಸರ್ವಾಧಿಕ ಸ್ಕೋರ್ ಗಳಿಸಿದರು. ರಿಂಕು ಸಿಂಗ್(ಔಟಾಗದೆ 53 ರನ್, 33 ಎಸೆತ), ನಿತಿಶ್ ರಾಣಾ(27 ರನ್, 20 ಎಸೆತ)ಹಾಗೂ ವೆಂಕಟೇಶ್ ಅಯ್ಯರ್(20 ರನ್)ಎರಡಂಕೆಯ ಸ್ಕೋರ್ ಗಳಿಸಿದರು.
ಚೆನ್ನೈ ಬೌಲಿಂಗ್ನಲ್ಲಿ ಮಹೀಶ್ ತೀಕ್ಷಣ(2-32) ಹಾಗೂ ತುಷಾರ್ ದೇಶಪಾಂಡೆ(2-43)ತಲಾ ಎರಡು ವಿಕೆಟ್ ಪಡೆದರು.
ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಚೆನ್ನೈ ತಂಡ ಅಜಿಂಕ್ಯ ರಹಾನೆ, ಡೆವೊನ್ ಕಾನ್ವೆ ಹಾಗೂ ಶಿವಂ ದುಬೆ ಅರ್ಧಶತಕದ ಕೊಡುಗೆಯ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ಗಳ ನಷ್ಟಕ್ಕೆ 235 ರನ್ ಗಳಿಸಿತು.