ಸುಳ್ಯ:ಬಿಜೆಪಿ ಸುಳ್ಯ ಮಂಡಲದ ಅಜ್ಜಾವರ ಶಕ್ತಿ ಕೇಂದ್ರದ ವತಿಯಿಂದ ರಾಜ್ಯ ಸರಕಾರದ ವಿರುದ್ಧ ‘ನಮ್ಮ ಹಕ್ಕು ನಮಗೆ ನೀಡಿ ಹಕ್ಕೊತ್ತಾಯ ಮತ್ತು ಪ್ರತಿಭಟನಾ ಸಭೆ’ ಅಜ್ಜಾವರ ಗ್ರಾಮ ಪಂಚಾಯತ್ ಮುಂಭಾಗದಲ್ಲಿ ನಡೆಯಿತು. ಅಜ್ಜಾವರ ಪೇಟೆಯಿಂದ ಬಿಜೆಪಿ ಕಾರ್ಯಕರ್ತರು ಮೆರವಣಿಗೆ ಮೂಲಕ
ಗ್ರಾಮ ಪಂಚಾಯತ್ ಮುಂಭಾಗಕ್ಕೆ ಬಂದು ಬಳಿಕ ಸಭೆ ನಡೆಯಿತು.ಸಭೆಯಲ್ಲಿ ಮಾತನಾಡಿದ ಶಾಸಕಿ ಭಾಗೀರಥಿ ಮುರುಳ್ಯ ಮಾತನಾಡಿ ಅನುದಾನ ಹಂಚಿಕೆಯಲ್ಲಿ ಕಾಂಗ್ರೆಸ್ ಸರಕಾರ ತಾರತಮ್ಯ ಮಾಡುತ್ತಿದೆ.ಬಿಜೆಪಿ ಶಾಸಕರಿಗೆ ಅನುದಾನ ಹಂಚಿಕೆ ಮಾಡುತ್ತಿಲ್ಲ ಎಂದು ಆರೋಪಿಸಿದರು.ಗ್ರಾಮ ಪಂಚಾಯತ್ ಚುನಾವಣೆ ತಕ್ಷಣ ಘೋಷಿಸಬೇಕು ಎಂದು ಆಗ್ರಹಿಸಿದರು.
ಬಿಜೆಪಿ ಮಂಡಲ ಸಮಿತಿ ಅಧ್ಯಕ್ಷ ವೆಂಕಟ್ ವಳಲಂಬೆ, ಪ್ರಧಾನ ಕಾರ್ಯದರ್ಶಿ ವಿನಯ್‌ ಕುಮಾರ್ ಕಂದಡ್ಕ ಮಾತನಾಡಿದರು.ಪ್ರತಿಭಟನಾ ಸಭೆಯಲ್ಲಿ ಮುಖಂಡರಾದ ವಿಕ್ರಂ ಅಡ್ಪಂಗಾಯ, ಜಯರಾಜ್ ಕುಕ್ಕೆಟ್ಟಿ,ಮಹೇಶ್ ರೈ ಮೇನಾಲ,ಚನಿಯ ಕಲ್ತಡ್ಕ, ಹೇಮಂತ್ ಮಠ, ಸುದರ್ಶನ ಪಾತಿಕಲ್ಲು, ಪ್ರಬೋಧ್ ಶೆಟ್ಟಿ ಮೇನಾಲ, ವಾಸುದೇವ ಪುತ್ತಿಲ, ನಾರಾಯಣ ಬಂಟ್ರಬೈಲು,
ಗುರುರಾಜ್ ಅಜ್ಜಾವರ, ನಯನ ರೈ ಮೇನಾಲ, ನಿತ್ಯಾನಂದ ಬೈತಡ್ಕ, ದಯಾಳ್ ಮೇದಿನಡ್ಕ, ವೆಂಕಟ್ರಮಣ ಅತ್ಯಾಡಿ, ವಿನಯ ನಾರಾಲು, ಸುಕುಮಾರ್ ಕಲ್ಲಗುಡ್ಡೆ, ಚಂದ್ರಶೇಖರ ದೊಡ್ಡೇರಿ ಮೊದಲಾದವರು ಉಪಸ್ಥಿತರಿದ್ದರು.ಬಿಜೆಪಿ ಮಂಡಲ ಸಮಿತಿ ಕೋಶಾಧಿಕಾರಿ ಸುಬೋದ್ ಶೆಟ್ಟಿ ಮೇನಾಲ ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ರಾಜೇಶ್ ಶೆಟ್ಟಿ ಮೇನಾಲ ವಂದಿಸಿದರು.
