ಸುಳ್ಯ:ಸುಳ್ಯ ವಿಶ್ವ ಹಿಂದೂ ಪರಿಷದ್ ಮತ್ತು ಮೊಸರು ಕುಡಿಕೆ ಉತ್ಸವ ಸಮಿತಿ ಇದರ ಆಶ್ರಯದಲ್ಲಿ 11 ನೇ ವರ್ಷದ ಆಕರ್ಷಕ ಸುಳ್ಯ ಮೊಸರು ಕುಡಿಕೆ ಉತ್ಸವ ಹಾಗೂ ವೈಭವದ ಶೋಭಾ ಯಾತ್ರೆ ಸುಳ್ಯ ನಗರದಲ್ಲಿ ನಡೆಯುತಿದೆ. ಯುವಕರ ತಂಡದಿಂದ ಪಿರಮಿಡ್ ಆಕಾರದ ಮಾನವ ಗೋಪುರ ನಿರ್ಮಿಸಿ ಸಾಹಸಮಯವಾಗಿ ಕ್ಷಣ ಮಾತ್ರದಲ್ಲಿ ಅಟ್ಟಿ ಮಡಿಕೆ ಒಡೆಯುವ ಪ್ರದರ್ಶನ ಮೈ ನವಿರೇಳಿಸುತಿದೆ. ನಗರದ
17 ಕಡೆ ಸ್ಥಾಪಿಸಲಾದ ಅಟ್ಟಿಮಡಿಕೆ ಒಡಯುವ ಸಾಹಸಮಯ ಪ್ರದರ್ಶನವನ್ನು ಸಾವಿರಾರು ಮಂದಿ ವೀಕ್ಷಿಸಿದರು. 12 ತಂಡಗಳು ಭಾಗವಹಿಸುತಿದೆ. ಬಾಲಕೃಷ್ಣನ ಭಾವಚಿತ್ರ ಹೊತ್ತ ಟ್ಯಾಬ್ಲೋಗಳು, ಚೆಂಡೆ, ಮೇಳ, ವಾದ್ಯ ಘೋಷಗಳು, ಗೊಂಬೆ ಕುಣಿತ, ಕೀಲು ಕುದಿರೆ, ಆಕರ್ಷಕ ವೇಷಗಳು, ನೂರಾರು ಯುವಕರ ತಂಡ ಶೋಭಾ ಯಾತ್ರೆಗೆ ಮೆರುಗು ತಂದಿದೆ.ಚೆನ್ನಕೇಶವ ದೇವಸ್ಥಾನದ ಬಳಿಯಿಂದ ಹೊರಟು ಅಂಬೆಟೆಡ್ಕ, ಕೆ.ವಿ.ಜಿ ವೃತ್ತ, ವಿವೇಕಾನಂದ ಸರ್ಕಲ್, ಜೂನಿಯರ್ ಕಾಲೇಜು ರಸ್ತೆ, ಜ್ಯೋತಿ ವೃತ್ತಗಳಲ್ಲಿ ಸ್ಥಾಪಿಸಿದ ಅಟ್ಟಿ ಮಡಿಕೆ ಒಡೆದು ಮುಂದುವರಿದಿರುವ
ಶೋಭಾಯಾತ್ರೆ ಮುಖ್ಯ ರಸ್ತೆಯ ಮೂಲಕ ಗಾಂಧಿನಗರದ ತನಕ ಸಾಗಿ ಅಲ್ಲಿಂದ ರಥಬೀದಿಯಾಗಿ ಚೆನ್ನಕೇಶವ ದೇವಸ್ಥಾನದ ಎದುರು ಸಮಾಪನಗೊಳ್ಳಲಿದೆ. ವಿಶೇಷ ಆಕರ್ಷಣೆ ಯಾಗಿ ದೇವಸ್ಥಾನದ ಬಳಿ ಅಟ್ಟಿ ಮಡಿಕೆ ಒಡೆಯುವ ಪ್ರದರ್ಶನ ನಡೆಯಲಿದೆ.
ಚೆನ್ನಕೇಶವ ದೇವಸ್ಥಾನದ ಅನುವಂಶಿಕ ಮೊಕ್ತೇಸರ ಡಾ.ಹರಪ್ರಸಾದ್ ತುದಿಯಡ್ಕ ತೆಂಗಿನಕಾಯಿ ಒಡೆದು ಶೋಭಾ ಯಾತ್ರೆಗೆ ಚಾಲನೆ ನೀಡಿದರು. ಶಾಸಕಿ ಭಾಗೀರಥಿ ಮುರುಳ್ಯ ಕೇಸರಿ ಧ್ವಜ ಹಸ್ತಾಂತರಿಸಿ ಮಡಿಕೆ ಒಡೆಯುವ ಮುಖಾಂತರ ಶೋಭಾಯಾತ್ರೆಗೆ ಚಾಲನೆ ನೀಡಿದರು.
ಈ ಸಂದರ್ಭದಲ್ಲಿ ಮೊಸರು ಕುಡಿಕೆ ಉತ್ಸವ ಸಮಿತಿ ಅಧ್ಯಕ್ಷ ಎ.ವಿ.ತೀರ್ಥರಾಮ, ವಿಶ್ವ ಹಿಂದೂ ಪರಿಷದ್ ಅಧ್ಯಕ್ಷ ಸೋಮಶೇಖರ ಪೈಕ, ಪ್ರಮುಖರಾದ ಎಸ್.ಎನ್.ಮನ್ಮಥ,ಹರೀಶ್ ಕಂಜಿಪಿಲಿ, ಸುಭೋದ್ ಶೆಟ್ಟಿ ಮೇನಾಲ ಮೊಸರು ಕುಡಿಕೆ ಉತ್ಸವ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಯಾದವ್, ಕೋಶಾಧಿಕಾರಿ ನವೀನ್ ಎಲಿಮಲೆ, ಉಪಾಧ್ಯಕ್ಷರಾದ ರವಿಚಂದ್ರ ಕೊಡಿಯಾಲಬೈಲು, ದೇವಿಪ್ರಸಾದ್ ಅತ್ಯಾಡಿ, ಬಜರಂಗದಳ ಸಂಯೋಜಕ ಹರಿಪ್ರಸಾದ್ ಎಲಿಮಲೆ, ಪಿ.ಕೆ.ಉಮೇಶ,
ಕೃಪಾಶಂಕರ ತುದಿಯಡ್ಕ, ಹರೀಶ್ ರೈ ಉಬರಡ್ಕ, ಚನಿಯ ಕಲ್ತಡ್ಕ, ಜಯರಾಮ ರೈ ಜಾಲ್ಸೂರು, ಸುನಿಲ್ ಕೇರ್ಪಳ ಮತ್ತಿತರರು ಉಪಸ್ಥಿತರಿದ್ದರು.
