ನವದೆಹಲಿ:ನ್ಯೂಜಿಲೆಂಡ್‌ ವಿರುದ್ಧದ ಟೆಸ್ಟ್‌, ಏಕದಿನ ಸರಣಿಗೆ ಭಾರತ ತಂಡ ಪ್ರಕಟಿಸಲಾಗಿದೆ. ವೇಗಿಗಳಾದ ಆಕಾಶ್‌ದೀಪ್‌, ಅನ್ಷುಲ್ ಕಂಬೋಜ್‌, ವಿಕೆಟ್‌ ಕೀಪರ್‌ ರಿಷಭ್‌ ಪಂತ್ ಅವರೂ ಟೆಸ್ಟ್‌ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಪಂತ್ ಸರಣಿಗೂ ಮುನ್ನ ಅವರು ಫಿಟ್‌ನೆಸ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದರೆ ಮಾತ್ರ ಕಣಕ್ಕಿಳಿಯುವರು
ಏಕದಿನ ಸರಣಿಯು
ನ.4 ರಂದು ಆರಂಭವಾಗಲಿದೆ. ಸರಣಿಯ 1 ರಿಂದ 3 ಪಂದ್ಯಗಳು ಹಾಗೂ 4– 5ನೇ ಪಂದ್ಯಗಳಿಗೆ ಪ್ರತ್ಯೇಕ ತಂಡಗಳನ್ನು ಪ್ರಕಟಿಸಲಾಗಿದೆ.ಮೊದಲ ಮೂರು ಪಂದ್ಯಗಳಿಗೆ ಶುಭ್‌ಮನ್ ಗಿಲ್ ಹಾಗು ಉಳಿದ ಎರಡು ಪಂದ್ಯಗಳಿಗೆ ಶ್ರೇಯಸ್ ಅಯ್ಯರ್ ನಾಯಕರಾಗುತ್ತಾರೆ. ಭಾರತ ಟೆಸ್ಟ್‌ ಮತ್ತು ಏಕದಿನ ತಂಡದ ನಾಯಕ ಶುಭಮನ್‌ ಗಿಲ್ ಅವರು ನ್ಯೂಜಿಲೆಂಡ್‌ ಸರಣಿಯ ಐದು ಏಕದಿನ ಪಂದ್ಯಗಳ ಪೈಕಿ ಕೊನೆಯ ಎರಡು ಪಂದ್ಯಗಳಲ್ಲಿ ಆಡದಿರಲು ನಿರ್ಧರಿಸಿದ್ದಾರೆ.ಏಕದಿನ ಸರಣಿಯ
ಬಳಿಕ ಆರಂಭವಾಗುವ ಟೆಸ್ಟ್‌ ಸರಣಿಗೆ ಪೂರ್ಣ ಪ್ರಮಾಣದ ಸಿದ್ಧತೆ ನಡೆಸಲು ಅವರು ಒತ್ತುನೀಡಿದ್ದಾರೆ.ಹೀಗಾಗಿ, ಕೊನೆಯ ಎರಡು ಏಕದಿನ ಪಂದ್ಯಗಳಿಗೆ ಶ್ರೇಯಸ್ ಅಯ್ಯರ್‌‌ಗೆ ನಾಯಕತ್ವ ಜವಾಬ್ದಾರಿ ಹೊರಲಿದ್ದಾರೆ.
ವಿಕೆಟ್‌ ಕೀಪರ್‌ ಕುಮಾರ್ ಕುಶಾಗ್ರ ಅವರು ಭಾರತ ತಂಡದಲ್ಲಿ ಇದೇ ಮೊದಲ ಬಾರಿಗೆ ಅವಕಾಶ ಪಡೆದಿದ್ದಾರೆ. ಅನುಭವಿ ಆಲ್‌ರೌಂಡರ್‌ ರವೀಂದ್ರ ಜಡೇಜ ಅವರನ್ನು ಏಕದಿನ ಸರಣಿಗೆ ಪರಿಗಣಿಸಲಾಗಿಲ್ಲ.
ವೇಗಿ ಜಸ್‌ಪ್ರೀತ್‌ ಬೂಮ್ರಾ ಅವರು ನ್ಯೂಜಿಲೆಂಡ್‌ ಪ್ರವಾಸದಲ್ಲಿ ಟೆಸ್ಟ್‌ ಕ್ರಿಕೆಟ್ ಸರಣಿಯಲ್ಲಿ ಮಾತ್ರ ಆಡಲಿದ್ದಾರೆ.
ತಂಡಗಳು: ಏಕದಿನ ಸರಣಿ (ಮೊದಲ ಮೂರು ಪಂದ್ಯ): ಶುಭಮನ್‌ ಗಿಲ್ (ನಾಯಕ), ರೋಹಿತ್‌ ಶರ್ಮಾ, ವಿರಾಟ್‌ ಕೊಹ್ಲಿ, ಶ್ರೇಯಸ್ ಅಯ್ಯರ್, ಕೆ.ಎಲ್‌.ರಾಹುಲ್‌ (ವಿಕೆಟ್‌ಕೀಪರ್‌), ನಿತೀಶ್‌ ಕುಮಾರ್ ರೆಡ್ಡಿ, ಅಕ್ಷರ್ ಪಟೇಲ್‌, ನಮನ್‌ ಧೀರ್‌, ಅನ್ಷುಲ್ ಕಂಬೋಜ್‌, ಗುರ್ನೂರ್‌ ಬ್ರಾರ್‌, ಋತುರಾಜ್ ಗಾಯಕ್ವಾಡ್‌, ಅರ್ಷದೀಪ್‌ ಸಿಂಗ್‌, ಇಶಾನ್‌ ಕಿಶನ್‌ (ವಿಕೆಟ್‌ಕೀಪರ್‌), ಮೊಹಮ್ಮದ್‌ ಸಿರಾಜ್‌, ಪ್ರಸಿದ್ಧ ಕೃಷ್ಣ, ಕುಲದೀಪ್‌ ಯಾದವ್‌.
ಏಕದಿನ ಸರಣಿ (4, 5ನೇ ಪಂದ್ಯ): ಶ್ರೇಯಸ್ ಅಯ್ಯರ್ (ನಾಯಕ), ರೋಹಿತ್‌ ಶರ್ಮಾ, ವಿರಾಟ್‌ ಕೊಹ್ಲಿ, ತಿಲಕ್‌ ವರ್ಮಾ, ಇಶಾನ್‌ ಕಿಶನ್‌ (ವಿಕೆಟ್‌ಕೀಪರ್‌), ನಿತೀಶ್‌ ಕುಮಾರ್ ರೆಡ್ಡಿ, ಅಕ್ಷರ್ ಪಟೇಲ್‌, ನಮನ್‌ ಧೀರ್‌, ಆಕಿಬ್‌ ನಬಿ, ಗುರ್ನೂರ್‌ ಬ್ರಾರ್‌, ಋತುರಾಜ್ ಗಾಯಕ್ವಾಡ್‌, ಅರ್ಷದೀಪ್‌ ಸಿಂಗ್‌, ಕುಮಾರ್ ಕುಶಾಗ್ರ (ವಿಕೆಟ್‌ಕೀಪರ್‌), ಮೊಹಮ್ಮದ್‌ ಸಿರಾಜ್‌, ಯಶ್‌ ಠಾಕೂರ್‌, ಕುಲದೀಪ್‌ ಯಾದವ್‌.
ಟೆಸ್ಟ್‌ ಸರಣಿ: ಶುಭಮನ್‌ ಗಿಲ್ (ನಾಯಕ), ಯಶಸ್ವಿ ಜೈಸ್ವಾಲ್‌, ಕೆ.ಎಲ್‌.ರಾಹುಲ್‌, ದೇವದತ್ತ ಪಡಿಕ್ಕಲ್‌, ರಿಷಭ್‌ ಪಂತ್ (ವಿಕೆಟ್‌ಕೀಪರ್‌), ಧ್ರುವ ಜುರೇಲ್‌ (ವಿಕೆಟ್‌ಕೀಪರ್‌), ರವೀಂದ್ರ ಜಡೇಜ, ಅನ್ಷುಲ್ ಕಂಬೋಜ್‌, ಜಸ್‌ಪ್ರೀತ್‌ ಬೂಮ್ರಾ, ಪ್ರಸಿದ್ಧ ಕೃಷ್ಣ, ಆಕಾಶ್‌ ದೀಪ್‌, ಸಾಯಿ ಸುದರ್ಶನ್‌, ನಿತೀಶ್‌ ಕುಮಾರ್ ರೆಡ್ಡಿ, ವಾಷಿಂಗ್ಟನ್‌ ಸುಂದರ್‌, ಕುಲದೀಪ್‌ ಯಾದವ್‌, ಮೊಹಮ್ಮದ್‌ ಸಿರಾಜ್‌.
