ಹೊಸದಿಲ್ಲಿ: ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು 77 ರನ್ ಅಂತರದಿಂದ ಮಣಿಸಿ ಐಪಿಎಲ್‌ನಲ್ಲಿ ಪ್ಲೇ ಆಫ್ ಸುತ್ತಿಗೆ ಪ್ರವೇಶಿಸಿದೆ. 14 ಪಂದ್ಯಗಳಲ್ಲಿ 8ನೇ ಗೆಲುವು ದಾಖಲಿಸಿ ಒಟ್ಟು 17 ಅಂಕ ಗಳಿಸಿ ಅಂಕಪಟ್ಟಿಯಲ್ಲಿ 2ನೇ ಸ್ಥಾನಕ್ಕೇರಿ ತನ್ನ ಲೀಗ್ ಹಂತದ ಅಭಿಯಾನ ಅಂತ್ಯಗೊಳಿಸಿದ ಧೋನಿ ಪಡೆ ಪ್ಲೇ ಆಫ್ ಸುತ್ತಿಗೆ ಪ್ರವೇಶಿಸಿದೆ.ಮೊದಲು
ಬ್ಯಾಟಿಂಗ್ ಮಾಡಿದ ಚೆನ್ನೈ ನಿಗದಿತ 20 ಓವರ್‌ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 223 ರನ್ ಗಳಿಸಿತು. ಗೆಲ್ಲಲು ಕಠಿಣ ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡ 20 ಓವರ್‌ಗಳಲ್ಲಿ 9 ವಿಕೆಟ್‌ಗಳ ನಷ್ಟಕ್ಕೆ 146 ರನ್ ಗಳಿಸಿ ಸೋಲೊಪ್ಪಿಕೊಂಡಿತು.
ಓಪನರ್ ಡೆವೊನ್ ಕಾನ್ವೇ(87 ರನ್, 51 ಎಸೆತ) ಹಾಗೂ ಋತುರಾಜ್ ಗಾಯಕ್ವಾಡ್(79 ರನ್, 50 ಎಸೆತ)ಅರ್ಧಶತಕದ ಕೊಡುಗೆ ನೀಡಿದರು. ದೀಪಕ್ ಚಹಾರ್(3-22) ಭರ್ಜರಿ ಬೌಲಿಂಗ್ ದಾಳಿ ಸಂಘಟಿಸಿದರು.
ಡೆಲ್ಲು ಪರ ನಾಯಕ ಡೇವಿಡ್ ವಾರ್ನರ್ ಸರ್ವಾಧಿಕ ಸ್ಕೋರ್(86 ರನ್, 58 ಎಸೆತ, 7 ಬೌಂಡರಿ, 5 ಸಿಕ್ಸರ್)ಗಳಿಸಿದರು. ಉಳಿದ ಬ್ಯಾಟರ್‌ಗಳು ದಿಟ್ಟ ಪ್ರದರ್ಶನ ನೀಡಲಿಲ್ಲ.ದೀಪಕ್ ಚಹಾರ್ 3 ವಿಕೆಟ್ ಪಡೆದರೆ ಮಹೀಶ್ ತೀಕ್ಷಣ(2-23) ಹಾಗೂ ಮಥೀಶ ಪಥಿರಣ(2-22)ತಲಾ ಎರಡು ವಿಕೆಟ್‌ಗಳನ್ನು ಪಡೆದು ದೀಪಕ್‌ಗೆ ಸಾಥ್ ನೀಡಿದರು.
