ಸುಳ್ಯ: ಈ ಬಾರಿಯ ಚುನಾವಣೆಯಲ್ಲಿ ಮತದಾರರನ್ನು ಸೆಳೆಯಲು ಮಾದರಿ ಮತಗಟ್ಟೆಗಳನ್ನು ತೆರೆಯಲಾಗಿತ್ತು. ವಿವಿಧ ವಿಭಾಗಗಳಲ್ಲಿ ಸುಳ್ಯ ವಿಧಾನ ಸಭಾ ಕ್ಷೇತ್ರಗಳಲ್ಲಿ 12 ಮಾದರಿ ಮತಗಟ್ಟೆಗಳನ್ನು ತೆರೆಯಲಾಗಿತ್ತು. ವಿಶೇಷವಾಗಿ ಅಲಂಕೃತಗೊಂಡ ಮತಗಟ್ಟೆಗಳು ಮನ ಸೆಳೆಯುತ್ತಿತ್ತು. ಇಲ್ಲಿ ಬಿರುಸಿನ ಮತದಾನವೂ ನಡೆದಿದೆ. ಬಹುತೇಕ ಮಾದರಿ ಮತಗಟ್ಟೆಗಳಲ್ಲಿ ಮಧ್ಯಾಹ್ನದ ಒಳಗೆ ಶೇ.50ಕ್ಕಿಂತ ಹೆಚ್ಚು ಮತದಾನ ನಡೆದಿತ್ತು.ತಳಿರು ತೋರಣ ಕಟ್ಟಿ, ಬಣ್ಣ ಬಳಿದು ಪ್ರತ್ಯೇಕ
ಅಲಂಕಾರಗಳನ್ನು ಮಾಡಲಾಗಿತ್ತು. ಮತದಾರರನ್ನು ಸೆಳೆಯಲು ಮತಗಟ್ಟೆಗಳನ್ನು ವಿಶೇಷವಾಗಿ ರೂಪಿಸಲಾಗಿತ್ತು. ದ.ಕ.ಜಿಲ್ಲೆಯಲ್ಲಿ100 ಮಾದರಿ ಮತಗಟ್ಟೆಗಳನ್ನು ತೆರೆಯಲಾಗಿತ್ತು. ಸಖಿ ಮತಗಟ್ಟೆಗಳಲ್ಲಿ ಮಹಿಳಾ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳು ಕಾರ್ಯನಿರ್ವಹಿಸಿದ್ದರು. ಅಲ್ಲದೆ ಬ್ಲೂವೇವ್(ನೀಲ ತರಂಗ) ಗೋ ಗ್ರೀನ್ ಮತಗಟ್ಟೆಗಳು, ಸಾಂಪ್ರದಾಯಿಕ ಮತಗಟ್ಟೆಗಳು, ಕಂಬಳ ಮತಗಟ್ಟೆಗಳು, ಯಕ್ಷಗಾನ ಮತಗಟ್ಟೆಗಳು, ಯುವ ಮತಗಟ್ಟೆಗಳು, ಪಾರಂಪರಿಕ ಮತಗಟ್ಟೆ, ಪಿಡ್ಲ್ಯುಡಿ ಮತಗಟ್ಟೆ ಎಂದು ಮಾದರಿ ಮತಗಟ್ಟೆಹಳನ್ನು ರೂಪಿಸಲಾಗಿದೆ.
ಸುಳ್ಯದಲ್ಲಿ 5 ಸಖಿ ಮತಗಟ್ಟೆ, 2 ಯಕ್ಷಗಾನ ಮತಗಟ್ಟೆ, ಬ್ಲೂವೇವ್,ಗೋಗ್ರೀನ್, ಹೆರಿಟೇಜ್, ಕಂಬಳ, ಯುವ ಎಂದು ತಲಾ ಒಂದೊಂದು ಮತಗಟ್ಟೆಗಳೆಂದು ಗುರುತಿಸಲಾಗಿದೆ. ಸಖಿ ಮತಗಟ್ಟೆಗಳೆಂದು ಬೂತ್ ಸಂಖ್ಯೆ201 ಕಾಂತಮಂಗಲ, 207 ಇಡ್ಯಡ್ಕ, 180 ಸುಳ್ಯ ರಥಬೀದಿ ರೋಟರಿ ಶಾಲೆ, 169 ಕೊಯಿಕುಳಿ,25 ಹೊಸ ಮಜಲು.
ಯಕ್ಷಗಾನ ಬೂತ್‌ಗಳೆಂದು ಬೂತ್ ಸಂಖ್ಯೆ 20 ನೆಲ್ಯಾಡಿ, 223 ಗೂನಡ್ಕ ಶಾರದಾ ಸ್ಕೂಲ್ , ಕಂಬಳ ಬೂತ್ ಎಂದು ಬೂತ್ ಸಂಖ್ಯೆ 27 ನೇರ್ಲ ಶಾಲಾ ಬೂತ್, ಬ್ಲೂವೇವ್ ಬೂತ್ ಸಂಖ್ಯೆ 114 ಸುಬ್ರಹ್ಮಣ್ಯ, ಸಾಂಪ್ರದಾಯಿಕ ಬೂತ್ ಎಂದು ಬೂತ್ ಸಂಖ್ಯೆ 130 ಎಣ್ಮೂರು, ಗೋಗ್ರೀನ್ ಬೂತ್ ಎಂದು ಬೂತ್ ಸಂಖ್ಯೆ 119 ನಡುಗಲ್ಲು, ಯುವ ಬೂತ್ ಎಂದು ಬೂತ್ ಸಂಖ್ಯೆ 215 ಅರಂತೋಡು ಗುರುತಿಸಲಾಗಿದೆ. ಈ ಮತಗಟ್ಟೆಗಳು ವಿಶೇಷ ಗಮನ ಸೆಳೆದಿತ್ತು.
