ಗುವಾಹಟಿ:ದೀಪ್ತಿ ಶರ್ಮಾ (53 ರನ್; 54ಕ್ಕೆ 3) ಅವರ ಆಲ್ರೌಂಡ್ ಆಟದ ನೆರವಿನಿಂದ ಭಾರತ ತಂಡವು ಮಂಗಳವಾರ ಇಲ್ಲಿ ನಡೆದ ಮಹಿಳೆಯರ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಮೊದ ಪಂದ್ಯದಲ್ಲಿ ಶ್ರೀಲಂಕಾ ತಂಡವನ್ನು ಡಕ್ವರ್ತ್ ಲೂಯಿಸ್ ನಿಯಮದನ್ವಯ 59 ರನ್ಗಳಿಂದ ಮಣಿಸಿ ಶುಭಾರಂಭ ಮಾಡಿತು.ಬರ್ಸಾಪರ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯಕ್ಕೆ
ಮಳೆ ಅಡಚಣೆ ಉಂಟು ಮಾಡಿತು. ಹೀಗಾಗಿ, ಇನಿಂಗ್ಸ್ ಅನ್ನು 47 ಓವರ್ಗಳಿಗೆ ನಿಗದಿ ಮಾಡಲಾಯಿತು. ಮೊದಲು ಬ್ಯಾಟ್ ಮಾಡಿದ ಆತಿಥೇಯ ತಂಡವು ದೀಪ್ತಿ ಮತ್ತು ಅಮನ್ಜೋತ್ ಕೌರ್ (57; 56ಎ) ಅವರ ಅರ್ಧಶತಕಗಳ ನೆರವಿನಿಂದ 8 ವಿಕೆಟ್ಗೆ 269 ರನ್ ಗಳಿಸಿತು. ಡಿಎಲ್ಎಸ್ ನಿಯಮದನ್ವಯ ಎದುರಾಳಿ ತಂಡಕ್ಕೆ 271 ರನ್ ಗುರಿ ಪರಿಷ್ಕರಿಸಲಾಯಿತು.
ಗುರಿ ಬೆನ್ನಟ್ಟಿದ ಲಂಕಾ ತಂಡವು 45.4 ಓವರ್ಗಳಲ್ಲಿ 211 ರನ್ ಗಳಿಸಿ ಹೋರಾಟವನ್ನು ಮುಗಿಸಿತು.ಟಾಸ್ ಗೆದ್ದ ಲಂಕಾ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಲಾಯಿತು. ಬ್ಯಾಟಿಂಗ್ ಇಳಿದ ಭಾರತ 124 ರನ್ಗಳಿಗೆ 6 ವಿಕೆಟ್ ಕಳೆದುಕೊಂಡು ಅಲ್ಪಮೊತ್ತಕ್ಕೆ ಕುಸಿಯುವ ಆತಂಕದಲ್ಲಿತ್ತು. ಈ ಹಂತದಲ್ಲಿ ಅಮನ್ಜೋತ್ ಮತ್ತು ದೀಪ್ತಿ ಅವರ ಶತಕದ ಜೊತೆಯಾಟವು ಆಸರೆಯಾಯಿತು. ಅವರು ಏಳನೇ ವಿಕೆಟ್ ಜೊತೆಯಾಟದಲ್ಲಿ 103 (99ಎಸೆತ) ರನ್ ಗಳಿಸಿದರು. ಕೊನೆಯ ಹಂತದಲ್ಲಿ ಸ್ನೇಹ ರಾಣಾ (ಔಟಾಗದೇ 28; 15ಎ, 4X2, 6X2) ಕೂಡ ಉಪಯುಕ್ತ ಕಾಣಿಕೆ ನೀಡಿದರು. ಸ್ಮೃತಿ ಮಂದಾನ (8 ರನ್) ಪ್ರತೀಕಾ ರಾವಲ್ (37; 59ಎ) ಮತ್ತು ಹರ್ಲೀನ್ ಡಿಯೊಲ್ (48; 64ಎ) ನಾಯಕಿ ಹರ್ಮನ್ಪ್ರೀತ್ ಕೌರ್ (21; 19ಎ) ರನ್ ಗಳಿಸಿದರು.
