ಸುಳ್ಯ:ಕರ್ನಾಟಕ ರಾಜ್ಯ ವೇಟ್ ಲಿಫ್ಟಿಂಗ್ ಸಂಸ್ಥೆ ಬೆಂಗಳೂರು, ಸುಳ್ಯದ ಸ್ಪೋರ್ಟ್ಸ್ ಮತ್ತು ಆರ್ಟ್ಸ್ ಎಸೋಸಿಯೇಶನ್ ಹಾಗೂ ಕರ್ನಾಟಕ ರಾಜ್ಯ ವೇಟ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್ ಸಂಘಟನಾ ವತಿಯಿಂದ ಸುಳ್ಯದಲ್ಲಿ ನಡೆದ ಕರ್ನಾಟಕ ರಾಜ್ಯ ಮಟ್ಟದ ವೇಟ್ ಲಿಫ್ಟಿಂಗ್ ಚಾಂಪಿಯನ್ಶಿಪ್ನಲ್ಲಿ ಮೂಡಬಿದಿರೆ ಆಳ್ವಾಸ್ ಕಾಲೇಜು 6 ವಿಭಾಗದಲ್ಲಿ ಒಟ್ಟು
1220ಅಂಕಗಳನ್ನು ಪಡೆದು ಚಾಂಪಿಯನ್ ಪಟ್ಟಕ್ಕೇರಿತ್ತು. ಎಸ್ಡಿಎಂ ಸ್ಪೋರ್ಟ್ಸ್ ಉಜಿರೆ ತಂಡ 750 ಅಂಕಗಳನ್ನು ಪಡೆದು ರನ್ನರ್ ಅಪ್ ಆಯಿತು.ಯೂತ್ ಬಾಲಕಿಯರ ವಿಭಾಗದಲ್ಲಿ ಆಳ್ವಾಸ್ ಕಾಲೇಜು ಮೂಡಬಿದಿರೆ ತಂಡ ೨೧೧ ಅಂಕ, ಆಳ್ವಾಸ್ ಕಾಲೇಜಿನ ಜೂನಿಯರ್ ಮಹಿಳಾ ತಂಡ ೨೦೦ ಅಂಕ, ಅಳ್ವಾಸ್ ಕಾಲೇಜಿನ ಸೀನಿಯರ್ ಮಹಿಳಾ ತಂಡ ೨೨೦ ಅಂಕ, ಯೂತ್ ಬಾಲಕರ ಆಳ್ವಾಸ್ ಕಾಲೇಜು ತಂಡ ೧೯೮ ಅಂಕ, ಆಳ್ವಾಸ್ ಕಾಲೇಜಿನ ಪುರುಷರ ಜೂನಿಯರ್ ತಂಡ ೧೮೫ ಅಂಕ, ಆಳ್ವಾಸ್ ಕಾಲೇಜಿನ ಸೀನಿಯರ್ ಪುರುಷರ ತಂಡ ೨೦೬ ಅಂಕ ಗಳಿಸಿ ಒಟ್ಟು ೧೨೨೦ ಅಂಕ ಪಡೆದು ಚಾಂಪಿಯನ್ ಪಟ್ಟಕ್ಕೆ ಏರಿತ್ತು.
ಜೂನಿಯರ್ ಮಹಿಳಾ ವಿಭಾಗದಲ್ಲಿ ಎಸ್ಡಿಎಂ ಸ್ಫೋರ್ಟ್ ಉಜಿರೆ ತಂಡ ೧೯೯ ಅಂಕ, ಸೀನಿಯರ್ ಮಹಿಳಾ ವಿಭಾಗದಲ್ಲಿ ಎಸ್ಡಿಎಂ ಉಜಿರೆ ತಂಡ ೧೮೩ ಅಂಕ, ಜೂನಿಯರ್ ಪುರುಷರ ವಿಭಾಗದಲ್ಲಿ ಎಸ್ಡಿಎಂ ಉಜಿರೆ ತಂಡ ೧೭೦ ಅಂಕ, ಸೀನಿಯರ್ ಪುರುಷರ ವಿಭಾಗದ ಎಸ್ಡಿಎಂ ಉಜಿರೆ ತಂಡ ೧೯೮ ಅಂಕ ಪಡೆದು ಒಟ್ಟು ೭೫೦ ಅಂಕ ಪಡೆದು ದ್ವೀತಿಯ ಸ್ಥಾನ ಪಡೆದುಕೊಂಡಿತ್ತು. ಯೂತ್ ಬಾಲಕಿಯರ ವಿಭಾಗದಲ್ಲಿ ಬೆಳಗಾವಿ ಡಿವೈಇಎಸ್ ತಂಡ ೧೬೯ ಅಂಕ ಪಡೆದುಕೊಂಡಿತ್ತು. ಅಲ್ಲದೇ ಯೂತ್ ಬಾಲಕರ ವಿಭಾಗದಲ್ಲಿ
ದಾವಣಗೆರೆ ಜಿಲ್ಲಾ ವೇಟ್ ಲಿಫ್ಟಿಂಗ್ ಎಸೋಸಿಯೇಷನ್ ತಂಡ ೧೨೭ ಅಂಕ ಪಡೆದುಕೊಂಡಿತು.
ಉತ್ತಮ ಲಿಫ್ಟರ್ ಪ್ರಶಸ್ತಿ:
ವೈಯಕ್ತಿಕ ವಿಭಾಗದ ಉತ್ತಮ ಲಿಫ್ಟಿರ್ ಪ್ರಶಸ್ತಿಯನ್ನು ಯೂತ್ ಬಾಲಕಿಯರ ವಿಭಾಗದಲ್ಲಿ ಮೂಡಬಿದಿರೆ ಆಳ್ವಾಸ್ ಕಾಲೇಜಿನ ಮಾನಸ. ಎಸ್ ಪಡೆದುಕೊಂಡರು. ಜೂನಿಯರ್ ಮಹಿಳಾ ವಿಭಾಗದ ಉತ್ತಮ ಲಿಫ್ಟರ್ ಆಗಿ ಬೆಂಗಳೂರು ಸಂಜೀವಿ ಶೆಟ್ಟಿ ಸ್ಫೋರ್ಟ್ ಕ್ಲಬ್ನ ಮೋನಿಷಾ.ಪಿ ಪಡೆದುಕೊಂಡರೆ, ಸೀನಿಯರ್ ಮಹಿಳಾ ವಿಭಾಗದ ಉತ್ತಮ ಲಿಫ್ಟರ್ ಆಗಿ ಮೂಡಬಿದಿರೆ ಆಳ್ವಾಸ್ ಏಕಲವ್ಯದ ತನುಷಾ. ಎಂ ಪಡೆದುಕೊಂಡರು.
ಯೂತ್ ಬಾಲಕರ ವಿಭಾಗದ ಉತ್ತಮ ಲಿಫ್ಟರ್ ಆಗಿ ದಾವಣಗೆರೆ ಜಿಲ್ಲಾ ವೇಟ್ ಲಿಫ್ಟಿಂಗ್ ಎಸೋಸಿಯೇಷನ್ ತಂಡದ ಗಣೇಶ್.ವಿ ಪಡೆದುಕೊಂಡರು. ಜೂನಿಯರ್ ಪುರುಷರ ವಿಭಾಗದ ಉತ್ತಮ ಲಿಫ್ಟರ್ ಆಗಿ ಶಿವಮೊಗ್ಗ ಜಿಲ್ಲಾ ವೇಟ್ ಲಿಫ್ಟಿಂಗ್ ಎಸೋಸಿಯೇಷನ್ ತಂಡದ ಸಂಕೇತ್. ಎಸ್, ಸೀನಿಯರ್ ಪುರುಷರ ವಿಭಾಗದ ಉತ್ತಮ ಲಿಫ್ಟರ್ ಆಗಿ ಉಡುಪಿ ಜಿಲ್ಲಾ ವೇಟ್ ಲಿಫ್ಟಿಂಗ್ ಎಸೋಸಿಯೇಷನ್ ತಂಡದ ಮಂಜುನಾಥ್ ಮರಾಟಿ ಪಡೆದುಕೊಂಡರು.
