ವಿನ್ಸೆಂಟ್‌: ಬಾಂಗ್ಲಾದೇಶವನ್ನು ರೋಚಕವಾಗಿ ಸೋಲಿಸುವ ಮೂಲಕ ಅಫ್ಗಾನಿಸ್ತಾನ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿತು. ವಿಶ್ವಕಪ್ ಟೂರ್ನಿಯಲ್ಲಿ ಅಫ್ಗಾನಿಸ್ತಾನ ಮೊದಲ ಬಾರಿಗೆ ಸೆಮಿಫೈನಲ್‌ ಪ್ರವೇಶ ಪಡೆಯಿತು. ಗ್ರೂಪ್ ಎ ಯಿಂದ ಭಾರತದ ಜೊತೆ ಅಫ್ಘಾನಿಸ್ತಾನ ಸೆಮಿ ಟಿಕೆಟ್ ಪಡೆದರೆ ಆಸ್ಟ್ರೇಲಿಯಾ ಟೂರ್ನಿಯಿಂದ ಹೊರ ಬಿತ್ತು.ಮೊದಲು ಬ್ಯಾಟ್‌ ಮಾಡಿದ
ಅಫ್ಗಾನಿಸ್ತಾನ 20 ಓವರ್‌ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 115 ರನ್‌ ಪೇರಿಸಿತು. ಈ ಗುರಿಯನ್ನು ಬೆನ್ನತ್ತಿದ ಬಾಂಗ್ಲಾ ದೇಶ 105 ರನ್‌ಗಳಿಗೆ ಸರ್ವಪತನವಾಯಿತು.
ಅಫ್ಗಾನಿಸ್ತಾನ ಪರ ಗುರ್ಬಜ್‌ 43 ರನ್‌ ರಶೀದ್‌ ಖಾನ್‌ 19 ರನ್‌ ಬಾರಿಸಿದರು. ಉಳಿದ ಆಟಗಾರರು ಅಲ್ಪ ಮೊತ್ತಕೆ ಔಟ್ ಆದರು. ಬಾಂಗ್ಲಾದೇಶದ ಪರ ರಶೀದ್‌ ಹೊಸೇನ್‌ 3 ವಿಕೆಟ್ ಪಡೆದರು. ಅಫ್ಗಾನಿಸ್ತಾನದ ಬೌಲಿಂಗ್‌ ದಾಳಿಗೆ ತತ್ತರಿಸಿದ ಬಾಂಗ್ಲಾ ಪಡೆ 105 ರನ್‌ ಪೇರಿಸಲು ಪರದಾಡಿತು. ಲಿಟನ್‌ ದಾಸ್‌ ಮಾತ್ರ 54 ರನ್‌ ಹೊಡೆದು ಗಮನ ಸೆಳೆದರು. ಅಫ್ಗನ್‌ ಪಡೆಯ ನವೀನ್‌, ರಶೀದ್‌ ಖಾನ್‌ ತಲಾ 4 ವಿಕೆಟ್ ಪಡೆದರು.
ಮಳೆಯ ಕಾಟದ ನಡವೆಯೂ ಅಫ್ಗಾನಿಸ್ತಾನ ರೋಚಕ ಜಯ ದಾಖಲಿಸಿತು. ಸೆಮಿಫೈನಲ್‌ನಲ್ಲಿ ದಕ್ಷಿಣ ಆಫ್ರಿಕಾದ ವಿರುದ್ಧ ಸೆಣಸಲಿದೆ.
