ನವಿ ಮುಂಬೈ: ಮಹಿಳೆಯರ ಪ್ರೀಮಿಯರ್ ಲೀಗ್‌ನಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಯುಪಿ ವಾರಿಯರ್ಸ್ ತಂಡವನ್ನು 5 ವಿಕೆಟ್‌ಗಳ ಅಂತರದಿಂದ ಮಣಿಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಟೂರ್ನಿಯಲ್ಲಿ ಮೊದಲ ಗೆಲುವು ದಾಖಲಿಸಿದೆ.
ಆರ್‌ಸಿಬಿ ಟೂರ್ನಿಯಲ್ಲಿ ತಾನಾಡಿದ ಆರನೇ ಪಂದ್ಯದಲ್ಲಿ ಮೊದಲ ಗೆಲುವನ್ನು ದಾಖಲಿಸಿದೆ.ಗೆಲ್ಲಲು 136 ರನ್ ಗುರಿ ಪಡೆದ ಆರ್‌ಸಿಬಿ
ತಂಡದ ಪರ ಕನಿಕಾ ಅಹುಜಾ 30 ಎಸೆತಗಳಲ್ಲಿ 8 ಬೌಂಡರಿ,1 ಸಿಕ್ಸರ್ ನೆರವಿನಿಂದ 46 ರನ್ ಹಾಗು ರಿಚಾ ಘೋಷ್ 32 ಎಸೆತಗಳಲ್ಲಿ 3 ಬೌಂಡರಿ, 1 ಸಿಕ್ಸರ್ ನೆರವಿನಿಂದ ಔಟಾಗದೆ 31 ರನ್ ಗಳಿಸಿ ಗೆಲುವಿಗೆ ನೆರವಾದರು. ಆರ್‌ಸಿಬಿ 18 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 136 ರನ್ ಗಳಿಸಿ ಗೆಲುವಿನ ನಗೆ ಬೀರಿದರು.
ನಾಯಕಿ ಸ್ಮತಿ ಮಂಧಾನ(0), ಸೋಫಿ ಡಿವೈನ್(14), ಎಲ್ಲಿಸ್ ಪೆರ್ರಿ(10) ವಿಕೆಟನ್ನು ಬೇಗನೆ ಕಳೆದುಕೊಂಡಿತು. ಇದಕ್ಕೂ ಮೊದಲು ಟಾಸ್ ಗೆದ್ದ ಆರ್‌ಸಿಬಿ ನಾಯಕಿ ಸ್ಮತಿ ಮಂಧಾನ ಯುಪಿ ವಾರಿಯರ್ಸ್ ಅನ್ನು ಬ್ಯಾಟಿಂಗ್‌ಗೆ ಆಹ್ವಾನಿಸಿದರು. ಯುಪಿ ತಂಡ ಗ್ರೆಸ್ ಹ್ಯಾರಿಸ್(46 ರನ್, 32 ಎಸೆತ, 5 ಬೌಂಡರಿ, 2 ಸಿಕ್ಸರ್ ಹೋರಾಟದ ನೆರವಿನಿಂದ 19.3 ಓವರ್‌ಗಳಲ್ಲಿ ಕೇವಲ 135 ರನ್‌ಗೆ ಆಲೌಟಾಯಿತು.
ಕಿರಣ್ ನವ್‌ಗೈರ್(22 ರನ್) ಹಾಗೂ ದೀಪ್ತಿ ಶರ್ಮಾ(22 ರನ್) ಎರಡಂಕೆಯ ಸ್ಕೋರ್ ಗಳಿಸಿದರು.ಆರ್‌ಸಿಬಿ ಪರ ಎಲ್ಲಿಸ್ ಪೆರ್ರಿ(3-16), ಸೋಫಿ ಡಿವೈನ್(2-23) ಹಾಗೂ ಎಸ್. ಆಶಾ(2-27) ವಿಕೆಟ್ ಪಡೆದರು.
