ದುಬೈ: ಮಹಿಳೆಯರ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಶುಕ್ರವಾರ ರಾತ್ರಿ ನಡೆದ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವು 58 ರನ್‌ಗಳಿಂದ ಭಾರತ ತಂಡಕ್ಕೆ ಸೋಲುಣಿಸಿತು. ಸೋಫಿ ಡಿವೈನ್ (ಔಟಾಗದೆ 57; 36ಎ) ಅವರ ಮಿಂಚಿನ ಅರ್ಧಶತಕದ ಬಲದಿಂದ ನ್ಯೂಜಿಲೆಂಡ್ ತಂಡವು 20 ಓವರ್‌ಗಳಲ್ಲಿ 4 ವಿಕೆಟ್‌ಗಳಿಗೆ 160 ರನ್ ಗಳಿಸಿತು.ಗುರಿ ಬೆನ್ನಟ್ಟಿದ
ಹರ್ಮನ್‌ಪ್ರೀತ್ ಕೌರ್ ನಾಯಕತ್ವದ ಭಾರತ ತಂಡವು 19 ಓವರ್‌ಗಳಲ್ಲಿ 102 ರನ್‌ಗಳಿಗೆ ಎಲ್ಲ ವಿಕೆಟ್ ಕಳೆದುಕೊಂಡಿತು. ಪಂದ್ಯದಲ್ಲಿ ಟಾಸ್ ಗೆದ್ದ ಕಿವೀಸ್ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು.
ನ್ಯೂಜಿಲೆಂಡ್ ಪರ ಸೂಜಿ ಬೇಟ್ಸ್‌ 27, ಜಾರ್ಜಿಯಾ ಪಿಮರ್ 34, ಸೋಫಿ ಡಿವೈನ್ ಔಟಾಗದೆ 57 ರನ್ ಗಳಿಸಿದರು. ರೇಣುಕಾ ಠಾಕೂರ್ ಸಿಂಗ್ 27ಕ್ಕೆ2, ಅರುಂಧತಿ ರೆಡ್ಡಿ 28ಕ್ಕೆ1, ಆಶಾ ಶೋಭನಾ 22ಕ್ಕೆ1ವಿಕೆಟ್ ಪಡೆದರು.
ಭಾರತದ ಪರಸ್ಮೃತಿ ಮಂದಾನ 12, ಹರ್ಮನ್‌ಪ್ರೀತ್ ಕೌರ್ 15, ಜೆಮಿಮಾ ರಾಡ್ರಿಗಸ್ 13, ದೀಪ್ತಿ ಶರ್ಮಾ 13 ರನ್ ಗಳಿಸಿದರು. ನ್ಯೂಝಿಲೆಂಡ್ ಪರ ಈಡನ್ ಕಾರ್ಸನ್ 34ಕ್ಕೆ2, ರೋಸ್‌ಮೆರಿ ಮೇರ್ 19ಕ್ಕೆ4, ಲೀಯಾ ತಹುಹು 15ಕ್ಕೆ3 ವಿಕೆಟ್ ಪಡೆದರು.
