ಶಿರೂರು:ಉತ್ತರ ಕನ್ನಡ ಜಿಲ್ಲೆಯ ಅಂಕೋಲ ತಾಲೂಕಿನ
ಶಿರೂರುನಲ್ಲಿ ಗುಡ್ಡ ಕುಸಿದಿರುವ ಸ್ಥಳದಲ್ಲಿ ಕಾರ್ಯಾಚರಣೆ ಮುಂದುವರಿದಿದ್ದು ಇಂದು ದಿನವಿಡೀ ಕಾರ್ಯಾಚರಣೆ ನಡೆಸಲಾಗಿದೆ. ಕಣ್ಮರೆಯಾದ ಕೇರಳದ ಲಾರಿ ಚಾಲಕ ಅರ್ಜುನ್ ಹಾಗೂ ಇತರರ ಪತ್ತೆ ಸಾಧ್ಯವಾಗಿಲ್ಲ. ರೆಡಾರ್ ಸಿಗ್ನಲ್ ತೋರಿಸಿದ ಸ್ಥಳದಲ್ಲಿ ಹಾಗೂ
ರಕ್ಷಣಾ ತಂಡ ಗುರುತಿಸಿದ ಪ್ರದೇಶದಲ್ಲಿ ಕೂಡಾ ಸೇನಾ ಪಡೆ ಸಿಬ್ಬಂದಿಗಳು ಕೂಡಾ ಪರಿಶೀಲನೆ ನಡೆಸಿದ್ದು, ಯಾವುದೇ ಕುರುಹು ಪತ್ತೆಯಾಗಿರುವುದಿಲ್ಲ.ಮಣ್ಣು ಕುಸಿದ ಸ್ಥಳದಲ್ಲೇ ಬಹುತೇಕ ಮಣ್ಣು ತೆರವುಗೊಳಿಸಿದ್ಫು, ಲಾರಿ ಇರುವ ಕುರುಹು ದೊರೆಯದ ಹಿನ್ನೆಲೆಯಲ್ಲಿ ನಾಳೆ ಗಂಗಾವಳಿ ನದಿ ನೀರಿನ ಪ್ರದೇಶದಲ್ಲಿ ಕಾರ್ಯಾಚರಣೆ ನಡೆಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಗುಡ್ಡ ಕುಸಿತದ ರಭಸಕ್ಕೆ ಲಾರಿ ಕೊಚ್ಚಿ ಹೋಗಿ ನದಿಗೆ ಬಿದ್ದಿರುವ ಹಾಗೂ ಅದರ ಮೇಲೆ ಮಣ್ಣು ತುಂಬಿರುವ ಸಾಧ್ಯತೆ ಇದೆ ಎಂದು ಹೇಳಲಾಗುತಿದೆ. ಈ ಕುರಿತು ನಾಳೆ ಪರಿಶೀಲನೆ ಹಾಗೂ ಕಾರ್ಯಾಚರಣೆ ನಡೆಸಲಾಗುವುದು ನದಿಯ ಬದಿಯಲ್ಲಿ ಬಹುತೇಕ ಕಾರ್ಯಾಚರಣೆ ಪೂರ್ತಿಗೊಂಡಿದ್ದು ನದಿಯಲ್ಲಿ ಹೆಚ್ಚಿನ ಕಾರ್ಯಾಚರಣೆ ಮುಂದುವರಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
