ಸಂಪಾಜೆ: ಗ್ರಾಮ ಪಂಚಾಯತ್ ಸಾಮಾನ್ಯ ಸಭೆ ಅಧ್ಯಕ್ಷ ಜಿ. ಕೆ. ಹಮೀದ್ ಗೂನಡ್ಕ ಅಧ್ಯಕ್ಷತೆಯಲ್ಲಿ ನಡೆಯಿತು. ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಸರಿತಾ ಡಿಸೋಜಾ ಸ್ವಾಗತಿಸಿ ಮಾಸಿಕ ಲೆಕ್ಕ ಪತ್ರ ಮಂದಿಸಿದರು.. ಪಂಚಾಯತ್ ಕಾರ್ಯದರ್ಶಿ ಪದ್ಮಾವತಿ ವರದಿ, ಸಾರ್ವಜನಿಕ ಅರ್ಜಿ, ಹಾಗೂ ಸರಕಾರದ ಸುತ್ತೋಲೆ ಓದಿದರು. ಸಭೆಯಲ್ಲಿ ಮೀನು ಮಾರುಕಟ್ಟೆ ಎಲಂ ಬಗ್ಗೆ ಚರ್ಚೆ ನಡೆದು ಉಳಿದ 3 ಸ್ಟಾಲ್ ಏಲಂ ಮಾಡಲು ಹಾಗೂ ಜುಲೈ ತಿಂಗಳ 30ರ ನಂತರ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ
ವಾಹನದಲ್ಲಿ ಹಾಗೂ ಮಾರುಕಟ್ಟೆ ಹೊರತು ಪಡಿಸಿ ಮೀನು ಮಾರಾಟ ಮಾಡುವಂತಿಲ್ಲ ಹಾಗೂ ಈ ಬಗ್ಗೆ ಮಾರಾಟಗಾರರಿಗೆ ತಿಳುವಳಿಕೆ ಪತ್ರ ನೀಡಲು ತೀರ್ಮಾನಿಸಲಾಯಿತು. ಸಂಪಾಜೆ ಭಾಗದಲ್ಲಿ ನಿರಂತರ ವಿದ್ಯುತ್ ಸಮಸ್ಯೆಯಾಗುತ್ತಿದ್ದು ಕೂಡಲೇ ಟ್ರೀ ಕಟ್ಟಿಂಗ್ ಮಾಡುವ ಬಗ್ಗೆ ಹಾಗೂ ರಾಜರಾಂಪುರ ಬಳಿ ಈಗಾಗ್ಲೇ ವಿದ್ಯುತ್ ಸಬ್ ಸ್ಟೇಷನ್ ಜಾಗ ಮಂಜೂರಾತಿ ಆಗಿದ್ದು ಪ್ರಗತಿ ಬಗ್ಗೆ ಇಲಾಖೆಯ ವರದಿ ತರಿಸಲು ನಿರ್ಣಯ ಕೈಗೊಳ್ಳಲಾಯಿತು. ಸಂಪಾಜೆ ಗ್ರಾಮದ 125 ಸರ್ವೆ ನಂಬ್ರದಲ್ಲಿ 50 ವರ್ಷಗಳಿಂದ ವಾಸ ಮಾಡುತ್ತಿರುವ 13 ಮನೆಗೆ 94ಸಿ ಯೋಜನೆಯಡಿಯಲ್ಲಿ ಹಕ್ಕು ಪತ್ರಕ್ಕೆ ಅರ್ಜಿ ಸಲ್ಲಿಸಿ ಹಲವು ವರ್ಷ ಕಳೆದರೂ ಹಕ್ಕು ಪತ್ರ ನೀಡದೆ ಇರುವ ಬಗ್ಗೆ ಜಿಲ್ಲಾಧಿಕಾರಿಯವರ ಗಮನಕ್ಕೆ ತರಲು ತೀರ್ಮಾನಿಸಲಾಯಿತು. ಗ್ರಾಮದ ರಸ್ತೆಗಳ ಚರಂಡಿ ಹೂಳು ತೆಗೆಯಲು ತೀರ್ಮಾನಿಸಲಾಯಿತು. ಗ್ರಾಮ ಮಟ್ಟದಲ್ಲಿ ಆಗಿರುವ ರಸ್ತೆ, ಕುಡಿಯುವ ನೀರು, ಅಂಗನವಾಡಿ ಕೇಂದ್ರ ಜುಲೈ ತಿಂಗಳಿನಲ್ಲಿ ಗಣ್ಯರ ಸಮ್ಮುಖದಲ್ಲಿ ಉದ್ಘಾಟನೆ ಮಾಡಲು ತೀರ್ಮಾನಿಸಲಾಯಿತು. ಸರಕಾರದ ಗ್ಯಾರಂಟಿ ಯೋಜನೆ ಜಾರಿಗೆ ಪೂರಕವಾದ ದಾಖಲಾತಿ ಜನರಿಗೆ
ಒದಗಿಸಲು ಸಹಕರಿಸುವುದು, ವಿದ್ಯುತ್ ವ್ಯವಸ್ಥೆ ಹೆಸರು ಬದಲಾವಣೆ ಬಗ್ಗೆ ಕೂಡಲೇ 11 ಬಿ ಮಾಡಿಸಲು ನ್ಯಾಯ ಸಮಿತಿಯ ಸಭೆ ಹಾಗೂ ವಾರ್ಡ್ ಸಭೆ ನಡೆಸಲು ತೀರ್ಮಾನಿಸಲಾಯಿತು. ಕಳೆದ 10 ವರ್ಷಕ್ಕೂ ಮೇಲ್ಪಟ್ಟ ಸಂಪಾಜೆ ಗ್ರಾಮದ ಮುಳ್ಳುಕುಂಜ ಎಂಬಲ್ಲಿ ಪಲಾನುಭವಿಗಳಿಗೆ ನಿವೇಶನ ಮಂಜೂರಾತಿ ಪತ್ರ ನೀಡಿ ನಿವೇಶನ ಗುರುತು ಮಾಡಿದರೂ ಈವರೆಗೆ ಯಾರು ಕೂಡ ಮನೆ ನಿರ್ಮಿಸದೆ ಇರುವುದರಿಂದ ಸದ್ರಿ ಆದೇಶ ರದ್ದು ಪಡಿಸಿ ಹೊಸದಾಗಿ ಅರ್ಹ ಪಲಾನುಭವಿ ಆಯ್ಕೆ ಮಾಡುವರೇ ತೀರ್ಮಾನಿಸಲಾಯಿತು, ಪ್ರಾಕೃತಿಕ ವಿಕೋಪ ಸಂದರ್ಭದಲ್ಲಿ ಪೂರ್ವ ಸಿದ್ಧತೆ, ಜೆ. ಜೆ. ಎಂ. ಕಾಮಗಾರಿ ಬಗ್ಗೆ ಅಧಿಕಾರಿಗಳನ್ನು ಕರೆಸಿ ಮಾಹಿತಿ ತ್ವರಿತ ಕಾಮಗಾರಿ ಅನುಷ್ಠಾನ ಕಾಮಗಾರಿ ಸಾಧಕ ಬಾದಕ ಬಗ್ಗೆ ಚರ್ಚೆ ನಡೆಯಿತು.. ಗ್ರಾಮ ಮಟ್ಟದಲ್ಲಿ ಅಲ್ಲಲ್ಲಿ ನೀರು ಹರಿದು ಹೋಗುವಲ್ಲಿ ಮುಚ್ಚಿರುವ ಚರಂಡಿ ತೆರವುಗೊಳಿಸುವುದು. ಗೂನಡ್ಕ ದರ್ಕಾಸ್, ಗಡಿಕಲ್ಲು ಭಾಗದಲ್ಲಿ ರಸ್ತೆಯಲ್ಲಿ ಕೆಸರು ತೆರವು. ರಸ್ತೆಯಲ್ಲಿ ಆವರಣ ಗೋಡೆ ಜೆಸಿಬಿ ಯಂತ್ರದ ಮೂಲಕ ಸಮತಟ್ಟು ಮಾಡಿದ ಸ್ಥಳದ ಮಣ್ಣು ಸಾರ್ವಜನಿಕ ರಸ್ತೆಯಲ್ಲಿ ಬಿದ್ದು ಕೆಸರು ಈ ಬಗ್ಗೆ ಕಠಿಣ ಕ್ರಮಕ್ಕೆ ಸದಸ್ಯರು ಒತ್ತಾಯಿಸಿದರು. ಗ್ರಾಮ ಒನ್ ಸೇವೆ ಬಗ್ಗೆ ಸಭೆಯಲ್ಲಿ ಚರ್ಚೆ ನಡೆಯಿತು ಜನರಿಗೆ ಹೆಚ್ಚು ಸಹಕಾರಿ ಆಗುವಂತೆ ಗ್ರಾಮ ಒನ್ ಸೇವೆ ಸೊಸೈಟಿ ಮೂಲಕ ನೀಡಲು ಸದಸ್ಯರು ಒತ್ತಾಯಿಸಿದರು, ಕೃಷಿ ಸಕೀ ಯೋಜನೆ ಬಗ್ಗೆ ಸೊಸೈಟಿಯಲ್ಲಿ ಕಾರ್ಯಾಗಾರ ನಡೆಸಲು ತೀರ್ಮಾನಿಸಲಾಯಿತು. ಗ್ರಾಮ ನೈರ್ಮಲ್ಯ ಬಗ್ಗೆ ಚರ್ಚೆ ಮಾಡಿ ಸಾರ್ವಜನಿಕ ಸ್ಥಳದಲ್ಲಿ ಕಸ ಹಾಕುವವರ ಹಾಗೂ ನದಿಗಳಿಗೆ ಹಾಗೂ ಕಡೆಪಾಲ ಬಳಿ ಕೋಳಿ ತ್ಯಾಜ್ಯ ಎಸೆದವರ ಮೇಲೆ ಕ್ರಮಕ್ಕೆ ಪೊಲೀಸ್ ಇಲಾಖೆ ಗಮನಕ್ಕೆ ತರಲು, ಹಾಗೂ ಕಟ್ಟಡ ಮಾಲೀಕರು ಬಾಡಿಗೆ ಕಟ್ಟಡ ಹಾಗೂ ಮನೆಗಳಲ್ಲಿ ಸ್ವಚ್ಛತೆ ಕಾಪಾಡಲು ಸೂಚಿಸಿದರು, ಮನೆ ತೆರಿಗೆ, ನೀರಿನ ಕರ, ವ್ಯಾಪಾರ ಪರವಾನಿಗೆ ಬಗ್ಗೆ ಸದಸ್ಯರು ಚರ್ಚೆ ನಡೆಸಿದರು. ಪರವಾನಿಗೆ ಇಲ್ಲದೆ ಗ್ರಾಮ ವ್ಯಾಪ್ತಿಯಲ್ಲಿ ವ್ಯಾಪಾರ ನಡೆಸಬಾರದು ಈ ಬಗ್ಗೆ ಗ್ರಾಮದ ಪೆಲ್ತಡ್ಕ ಹಾಗೂ ಗಡಿ ಭಾಗದ ಸಂಪಾಜೆಯಲ್ಲಿ ಸೂಚನಾ ಫಲಕ ಅಳವಡಿಸಲು ನಿರ್ಧರಿಸಲಾಯಿತು. ಸಭೆಯಲ್ಲಿ ಉಪಾಧ್ಯಕ್ಷೆ ಲಿಸ್ಸಿ ಮೊನಾಲಿಸಾ, ಸದಸ್ಯರಾದ ಸೋಮಶೇಖರ್ ಕೊಯಿಂಗಾಜೆ, ಜಗದೀಶ್ ರೈ, ಸುಂದರಿ ಮುಂಡಡ್ಕ, ಸುಮತಿ ಶಕ್ತಿವೇಲು, ಅಬೂಸಾಲಿ ಪಿ. ಕೆ, ಎಸ್. ಕೆ. ಹನೀಫ್, ಶೌವಾದ್ ಗೂನಡ್ಕ, ರಜನಿ ಶರತ್, ವಿಮಲಾ ಪ್ರಸಾದ್, ಸುಶೀಲಾ, ಅನುಪಮಾ ಉಪಸ್ಥಿತರಿದ್ದರು
