ಸುಳ್ಯ:ರೋಟರಿ ಕ್ಲಬ್ ಬೆಳ್ಳಾರೆ ಟೌನ್‌ನ ನೂತನ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭ ಜು.15 ರಂದು ಸಂಜೆ 6.45ಕ್ಕೆ ಬೆಳ್ಳಾರೆ ದೇವಿ ಹೈಟ್ಸ್‌ನಲ್ಲಿ ನಡೆಯಲಿದೆ ಎಂದು ರೋಟರಿ ಕ್ಲಬ್ ಬೆಳ್ಳಾರೆ ಟೌನ್’ ನೂತನ ಅಧ್ಯಕ್ಷ ಶಶಿಧರ ಬಿ.ಕೆ. ತಿಳಿಸಿದ್ದಾರೆ. ಸುಳ್ಯ ಪ್ರೆಸ್ ಕ್ಲಬ್‌ನಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ಪದಗ್ರಹಣ ಅಧಿಕಾರಿಯಾಗಿ ಪೂರ್ವ ಜಿಲ್ಲಾ ಗವರ್ನರ್ ಡಾ.ಕೆ. ರವಿ ಅಪ್ಪಾಜಿಯವರು ಭಾಗವಹಿಸಲಿದ್ದಾರೆ. ಅತಿಥಿಗಳಾಗಿ
ವಲಯ ಸಹಾಯಕ ಗವರ್ನರ್ ಪುರಂದರ ರೈ, ಝೋನಲ್ ಲೆಫ್ಟಿನೆಂಟ್ ಪದ್ಮನಾಭ ಬೀಡು, ಸುಳ್ಯ ರೋಟರಿ ಕ್ಲಬ್ ಅಧ್ಯಕ್ಷರಾದ ಆನಂದ ಖಂಡಿಗ ಭಾಗವಹಿಸಲಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಬೆಂಗಳೂರಿನಲ್ಲಿ ಆಟೋಮೇಶನ್ ಆಧಾರಿತ ಉದ್ಯಮ ‘ಮೆಖೋಸ್ ಟೆಕ್ನಾಲಜಿ ಸರ್ವಿಸಸ್ ಪ್ರೈ ಲಿ.’ನ ಮಾಲಕರಾದ ಮೋಹನ್ ತಂಟೆಪ್ಪಾಡಿ ಇವರನ್ನು ಸನ್ಮಾನಿಸಲಾಗುವುದು. ಅಲ್ಲದೇ ಹಲವು ಸಮುದಾಯ ಸೇವಾ ಕೊಡುಗೆಗಳು ಹಾಗೂ ಪ್ರತಿಭಾವಂತ ವಿದ್ಯಾರ್ಥಿಯ ಗುರುತಿಸುವಿಕೆ, ಬಡ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹಧನವನ್ನೂ ನೀಡಲಿದ್ದೇವೆ ಎಂದು ಹೇಳಿದರು.
ನೂತನ ಪದಾಧಿಕಾರಿಗಳು: 2023-24ನೇ ಸಾಲಿಗೆ ನೂತನ ತಂಡ ಆಯ್ಕೆಗೊಂಡಿದ್ದು, ಅಧ್ಯಕ್ಷರಾಗಿ ಶಶಿಧರ್ ಬಿ.ಕೆ, ನಿಕಟಪೂರ್ವಾಧ್ಯಕ್ಷ ಕೇಶವಮೂರ್ತಿ, ಕಾರ್ಯದರ್ಶಿ ವಿಶ್ವನಾಥ ಕೆ., ಕೋಶಾಧಿಕಾರಿ ನಾಗೇಶ್‌ ಕುಲಾಲ್, ನಿಯೋಜಿತ ಅಧ್ಯಕ್ಷ ಚಂದ್ರಶೇಖರ ರೈ ಬಜನಿ, ಸಾರ್ಜೆಂಟ್ ಅಟ್ ಆರ್ಮ್ ಆಗಿ ಪ್ರಮೋದ್ ರೈ ವೈಪಾಲ, ಸಂಘ ಸೇವೆ ನಿರ್ದೇಶಕರಾಗಿ ಎ.ಕೆ. ಮಣಿಯಾಣಿ, ಸಮುದಾಯ ಸೇವೆ ನಿರ್ದೇಶಕರಾಗಿ ಪದ್ಮನಾಭ ಬೀಡು, ವೃತ್ತಿ ಸೇವೆ ನಿರ್ದೇಶಕರಾಗಿ ಪ್ರಭಾಕರ ಆಳ್ವ, ಅಂತಾರಾಷ್ಟ್ರೀಯ ಸೇವೆ ನಿರ್ದೇಶಕರಾಗಿ ಪ್ರಸಾದ್ ಕೆ.ವಿ.. ಯುವಜನ ಸೇವೆ ನಿರ್ದೇಶಕರಾಗಿ ರವೀಂದ್ರ ಗೌಡ ಎಂ, ಕಾರ್ಯನಿರ್ವಹಿಸಲಿದ್ದಾರೆ. ವಲಯ 5ರ ರೋನಲ್ ಲೆಫ್ಟಿನೆಂಟ್ ಆಗಿ ಪೂರ್ವಾಧ್ಯಕ್ಷರಾದ ಪದ್ಮನಾಭ ಬೀಡು ಆಯ್ಕೆಯಾಗಿದ್ದಾರೆ.
ಹಲವು ಯೋಜನೆಗಳು:
ಕ್ಲಬ್ ವತಿಯಿಂದ ಹಲವಾರು ಸಮಾಜಮುಖಿ ಕಾರ್ಯಗಳು ನಿರಂತರವಾಗಿ ನಡೆದಿದ್ದು, ರೋಟರಿ ಜಿಲ್ಲೆ 3181 ‘ಗೋಲ್ಡನ್ ಕ್ಲಬ್’ ಪ್ರಶಸ್ತಿ ನೀಡಿ ಗೌರವಿಸಿದೆ ಹಾಗೂ ‘ಅಂತಾರಾಷ್ಟ್ರೀಯ ಅಧ್ಯಕ್ಷರ ಮನ್ನಣೆ’ಗೂ ಪಾತ್ರರಾಗಿದೆ ಎಂದರು.ಈ ವರ್ಷದಲ್ಲಿ ಜಿಲ್ಲಾ ಗವರ್ನರ್ ಹೆಚ್.ಆರ್. ಕೇಶವ್‌ ಅವರ ಆಶಯದಂತೆ ‘ಅಂಗನವಾಡಿಗಳ ಸಬಲೀಕರಣ, ಮಳೆ ನೀರು ಇಂಗಿಸುವಿಕೆ ಮತ್ತು ಜಲಸಿರಿ, ವಿದ್ಯಾಸಿರಿ, ವನಸಿರಿ, ಆರೋಗ್ಯಸಿರಿ’ ಎಂಬ ಆರು ಯೋಜನೆಗಳಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುವುದು ಎಂದರು.
ಸುದ್ದಿಗೋಷ್ಠಿಯಲ್ಲಿ ವಿನಯಕುಮಾರ್, ಎ.ಕೆ. ಮಣಿಯಾಣಿ, ರವೀಂದ್ರ ಗೌಡ, ಪ್ರಮೋದ್ ಬೆಳ್ಳಾರೆ ಉಪಸ್ಥಿತರಿದ್ದರು.
