ಸುಳ್ಯ:ಜಿಲ್ಲಾ ಸ್ಪೋರ್ಟ್ಸ್ ಡ್ಯಾನ್ಸ್ ಅಸೊಶಿಯೇಶನ್ ಮೈಸೂರು ವತಿಯಿಂದ ಮೈಸೂರಿನ ಶಾರದಾ ವಿಲಾಸದಲ್ಲಿ ನಡೆದ ಮೈಸೂರು ಜೋನಲ್ ಸ್ಪೋರ್ಟ್ಸ್ ಡ್ಯಾನ್ಸ್ ಚಾಂಪಿಯನ್ ಶಿಪ್ 2022 ಡ್ಯಾನ್ಸ್ ಸ್ಪರ್ಧೆಯಲ್ಲಿ ಸುಳ್ಯದ ರಂಗಮಯೂರಿ ಕಲಾಶಾಲೆಯ ವಿದ್ಯಾರ್ಥಿಗಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಿ 4 ಚಿನ್ನದ ಪದಕ ಹಾಗೂ ಒಂದು ಬೆಳ್ಳಿ ಪದಕವನ್ನು ಗಳಿಸಿಕೊಂಡು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿರುತ್ತಾರೆ. ಸ್ಪರ್ಧೆಯಲ್ಲಿ
ಕ್ಲಾಸಿಕಲ್, ಜಾನಪದ, ಫ್ರೀ ಡ್ಯಾನ್ಸ್, ಬ್ಯಾಟಲ್ ಇತ್ಯಾದಿಗಳ ಜೊತೆ, ಪ್ರತ್ಯೇಕವಾಗಿ ಸೋಲೋ, ಕಪಲ್ ಹಾಗೂ ಗ್ರೂಪ್ ಡ್ಯಾನ್ಸ್ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿತ್ತು.ಶಾಸ್ತ್ರೀಯ ನೃತ್ಯದಲ್ಲಿ ಸನಿಹ ಶೆಟ್ಟಿ ಸುಳ್ಯ ಪ್ರಥಮ, 9 ವರ್ಷ ವಯೋಮಿತಿಯ ಫ್ರೀ ಸ್ಟೈಲ್ ಗ್ರೂಪ್ ಡ್ಯಾನ್ಸ್ ನಲ್ಲಿ ಪ್ರಾಪ್ತಿ ಎ.ಆರ್, ಚಕ್ಷು ಗೌಡ, ಕಾರುಣ್ಯ, ಅಹನಾ, ಮನಸ್ವಿ ಪಿ.ಎಂ, ಕೃತಿಕಾ ತಂಡ ದ್ವಿತೀಯ ಸ್ಥಾನ, 15 ವರ್ಷ ವಯೋಮಿತಿಯ ಕಪಲ್ ಡ್ಯಾನ್ಸ್ ನಲ್ಲಿ ಸಿಂಚನಾ ಎನ್.ಪಿ ಹಾಗೂ ಸನಿಹ ಶೆಟ್ಟಿ ಪ್ರಥಮ ಸ್ಥಾನ, 12 ವರ್ಷ ವಯೋಮಿತಿಯ ಫ್ರೀ ಸ್ಟೈಲ್ ಗ್ರೂಪ್ ಡ್ಯಾನ್ಸ್ ನಲ್ಲಿ ಖುಷಿ ಮೆತ್ತಡ್ಕ, ಶಾರ್ವರಿ, ಸಮೃದ್ಧಿ, ಭೂಷಿತ, ಕಿಶನ್ , ಇಶಾನ್, ಲಕ್ಷ್ಯ, ಮಾನ್ವಿ, ದೀಕ್ಷಾ, ಕೌಶಿಕ್ ತಂಡ ಪ್ರಥಮ ಹಾಗೂ 15 ವರ್ಷ ವಯೋಮಿತಿಯ ಫ್ರೀ ಸ್ಟೈಲ್ ಗ್ರೂಪ್ ಡ್ಯಾನ್ಸ್ ನಲ್ಲಿ ಸನಿಹ ಶೆಟ್ಟಿ, ಸಿಂಚನಾ ಎನ್.ಪಿ, ಶ್ರೇಯಾ, ಯಜ್ಞ, ತನಿಶ್ ಅಡ್ತಲೆ, ಐಶಾನ್ಯ, ಸೃಜನಾದಿತ್ಯಶೀಲ, ವಿಹನಿ ಜಾಕೆ, ನಿಶಾ ತಂಡವು ಪ್ರಥಮ ಸ್ಥಾನವನ್ನು ಪಡೆದುಕೊಂಡಿರುತ್ತಾರೆ.
ಇದರೊಂದಿಗೆ ಸುಳ್ಯ ರಂಗಮಯೂರಿ ಕಲಾಶಾಲೆಯ ಡ್ಯಾನ್ಸ್ ಸಹಭಾಗಿತ್ವದ ಸಿಗ್ನೇಚರ್ ಡ್ಯಾನ್ಸ್ ಕಂಪನಿ ಮೈಸೂರು ಇವರ ಜೊತೆಯಾಗಿ ಸಮಗ್ರ ಚಾಂಪಿಯನ್ ಶಿಪ್‌ನ್ನು ಮುಡಿಗೇರಿಸಿದರು.
ವಿದ್ಯಾರ್ಥಿಗಳಿಗೆ ಮಾರ್ಗದರ್ಶಕರಾಗಿ ಡ್ಯಾನ್ಸ್ ನಿರ್ದೇಶಕರಾದ ವಿನೋದ್ ಕರ್ಕೇರ, ಜೀ ಕನ್ನಡ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಖ್ಯಾತಿಯ ರಾಹುಲ್ ಎಸ್. ರಾವ್, ಪೃಥ್ವಿ ನಾಯಕ್ ಭಾಗವಹಿಸಿದ್ದರು ಎಂದು ರಂಗಮಯೂರಿ ಕಲಾ ಶಾಲೆಯ ನಿರ್ದೇಶಕ ಲೋಕೇಶ್ ಊರುಬೈಲು ತಿಳಿಸಿದ್ದಾರೆ.
