ಬೆಂಗಳೂರು: ಮಂಡ್ಯ ಹಾಗೂ ಮೈಸೂರಿನ ಗುರುದೇವ ಆಕಾಡೆಮಿ ಆಪ್ ಫೈನ್ ಆರ್ಟ್ಸ್ ಹಾಗೂ ಬೆಂಗಳೂರಿನ ಪುಷ್ಕರ ಫರ್ಮೋಂಗ್ ಆರ್ಟ್ಸ್ ಸಂಯುಕ್ತ ಆಶ್ರಯದಲ್ಲಿ ರಾಷ್ಟ್ರೀಯ ಮಟ್ಟದ ಶಾಸ್ತ್ರೀಯ ನೃತ್ಯ ಉತ್ಸವ ‘ನೃತ್ಯೋಲ್ಲಾಸ-2024-‘ ಜುಲೈ 21ರಂದು ಬೆಂಗಳೂರಿನ ಜುನಗರದ ಯುವಪಥ ವಿವೇಕ ಆಡಿಟೋರಿಯಂ‌ನಲ್ಲಿ ನಡೆಯಲಿದೆ.ಪೂ.9ರಿಂದ ಖ್ಯಾತ
ನೃತ್ಯ ಕಲಾವಿದರಿಂದ ಶಾಸ್ತ್ರೀಯ ನೃತ್ಯ ಪ್ರದರ್ಶನ ನಡೆಯಲಿದೆ. ಎರಡನೇ ಬಾರಿ ರಾಷ್ಟ್ರೀಯ ನೃತ್ಯೋತ್ಸವ ಹಮ್ಮಿಕೊಳ್ಳಲಾಗುತಿದೆ.
ಸಂಜೆ 5.30ರಿಂದ ಪುಷ್ಕರ ಫರ್ಮೋಂಗ್ ಆರ್ಟ್ಸ್‌ನ ವಾರ್ಷಿಕೋತ್ಸವದ ಅಂಗವಾಗಿ ಪುಷ್ಕರ ನೃತ್ಯೋತ್ಸವ 2024 ನಡೆಯಲಿದೆ. ಲಿಟ್ಟಲ್ ಮಿಲೇನೊಯಂ ಸಿಎಲ್‌ಒ ಶ್ರುತಿ ಸತ್ಯವೃತ್ ಅವರು ಉದ್ಘಾಟಿಸಲಿದ್ದಾರೆ. ಗುರುದೇವ ಅಕಾಡೆಮಿಯ ನೃತ್ಯ ನಿರ್ದೇಶಕಿ ನೃತ್ಯ ಗುರು ಡಾ.ಚೇತನಾ ರಾಧಾಕೃಷ್ಣ ಪಿ.ಎಂ. ಅವರಿಗೆ ಗುರು ವಂದನಾ ಕಾರ್ಯಕ್ರಮ ನಡೆಯಲಿದೆ.ಅಂತಾರಾಷ್ಟ್ರೀಯ ಲಲಿತಾಕಲಾ ಕಲಾವಿದೆ ಶೈಲಾ ಕೌಡ್ಲೆ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ. ಗುರುದೇವ ಅಕಾಡೆಮಿ ಆಫ್ ಫೈನ್ ಆರ್ಟ್ಸ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ರಾಧಾಕೃಷ್ಣ ಪಿ.ಎಂ.ಅಧ್ಯಕ್ಷತೆ ವಹಿಸುವರು ಎಂದು ಗುರುದೇವ ಅಕಾಡೆಮಿಯ ಪ್ರಕಟಣೆ ತಿಳಿಸಿದೆ.
