ನವದೆಹಲಿ: ಕೇಂದ್ರ ಚುನಾವಣಾ ಆಯೋಗವು ಗುಜರಾತ್ ವಿಧಾನಸಭೆ ಚುನಾವಣೆಗೆ ಇಂದು ವೇಳಾಪಟ್ಟಿ ಪ್ರಕಟಿಸಿದೆ.
182 ಸದಸ್ಯ ಬಲದ ಗುಜರಾತ್ ವಿಧಾನಸಭೆಗೆ ಎರಡು ಹಂತಗಳಲ್ಲಿ ಚುನಾವಣೆ ನಡೆಯಲಿದೆ. ಡಿಸೆಂಬರ್ 01 ಮತ್ತು ಡಿಸೆಂಬರ್ 05ರಂದು ಮತದಾನ ನಡೆಯಲಿದೆ. ಮೊದಲ ಹಂತದಲ್ಲಿ 89 ಮತ್ತು ಎರಡನೇ
ಹಂತದಲ್ಲಿ 93 ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ. ಡಿಸೆಂಬರ್ 8ರಂದು ಮತ ಎಣಿಕೆ ನಡೆದು ಫಲಿತಾಂಶ ಪ್ರಕಟಗೊಳ್ಳಲಿದೆ.
ಮುಖ್ಯ ಚುನಾವಣಾ ಆಯುಕ್ತ ರಾಜೀವ್ ಕುಮಾರ್ ಈ ಕುರಿತು ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ನೀಡಿದರು. ಗುಜರಾತ್‌ನಲ್ಲಿ 4.9 ಕೋಟಿ ಮತದಾರರು ತಮ್ಮ ಹಕ್ಕು ಚಲಾಯಿಸಲಿದ್ದಾರೆ. 2017ರಲ್ಲಿ ನಡೆದ ಚುನಾವಣೆಯಲ್ಲಿ 182 ಸ್ಥಾನಗಳ ಪೈಕಿ 99ರಲ್ಲಿ ಬಿಜೆಪಿ ಗೆದ್ದಿದ್ದರೆ, 77 ಸೀಟುಗಳು ಕಾಂಗ್ರೆಸ್‌ ಗೆದ್ದುಕೊಂಡಿತ್ತು.
ಅಧಿಸೂಚನೆ:
ಮೊದಲ ಹಂತ: ನವೆಂಬರ್ 5
ಎರಡನೇ ಹಂತ: ನವೆಂಬರ್ 10
ನಾಮಪತ್ರ ಸಲ್ಲಿಸಲು ಅಂತಿಮ ದಿನಾಂಕ:
ಮೊದಲ ಹಂತ: ನವೆಂಬರ್ 14
ಎರಡನೇ ಹಂತ: ನವೆಂಬರ್ 17
ನಾಮಪತ್ರ ಪರಿಶೀಲನೆ:
ಮೊದಲ ಹಂತ: ನವೆಂಬರ್ 15
ಎರಡನೇ ಹಂತ: ನವೆಂಬರ್ 18
ನಾಮಪತ್ರ ಹಿಂಪಡೆಯಲು ಕೊನೆಯ ದಿನಾಂಕ:
ಮೊದಲ ಹಂತ: ನವೆಂಬರ್ 17
ಎರಡನೇ ಹಂತ: ನವೆಂಬರ್ 21
ಚುನಾವಣೆ:
ಮೊದಲ ಹಂತ: ಡಿಸೆಂಬರ್ 1,
ಎರಡನೇ ಹಂತ: ಡಿಸೆಂಬರ್ 5
ಮತ ಎಣಿಕೆ: ಡಿಸೆಂಬರ್ 8 .
