ಬೆಂಗಳೂರು:ಚಂದ್ರಯಾನ–3ರ ಲ್ಯಾಂಡರ್‌ಗೆ ಅಳವಡಿಸಿರುವ ಕ್ಯಾಮೆರಾ ಸೆರೆ ಹಿಡಿದ ಚಂದ್ರನ ಅಂಗಳದ ಇನ್ನಷ್ಟು ಚಿತ್ರಗಳನ್ನು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೊ)ಯು ಬಿಡುಗಡೆ ಮಾಡಿದೆ. ಲ್ಯಾಂಡರ್ ಕ್ಯಾಮರಾ ತೆಗೆದ ಚಂದ್ರನ ವಿವಿಧ ಚಿತ್ರಗಳನ್ನು ಇಸ್ರೊ ತನ್ನ
Advertisement
Advertisement
Advertisement
Advertisement
Advertisement
Advertisement
‘ಎಕ್ಸ್‌’ (ಟ್ವಿಟರ್‌) ಖಾತೆಯಲ್ಲಿ ಹಂಚಿಕೊಂಡಿದೆ. ಲ್ಯಾಂಡರ್ ಇಳಿಯಲು ಆ. 23ರ ಸಂಜೆ 6:04 ಕ್ಕೆ ಸಮಯ ನಿಗದಿಪಡಿಸಲಾಗಿದೆ. ಅದಕ್ಕಾಗಿ ಸುರಕ್ಷಿತ ಲ್ಯಾಂಡಿಂಗ್‌ಗೆ ಸೂಕ್ತ ಜಾಗವನ್ನು ಹುಡುಕುವ ನಿಟ್ಟಿನಲ್ಲಿ ಲ್ಯಾಂಡರ್ ಹಲವು ಚಿತ್ರಗಳನ್ನು ರವಾನಿಸಿದೆ. ಈ ನಿಟ್ಟಿನಲ್ಲಿ ಕಳುಹಿಸಿದ ಚಂದ್ರನ ಮೇಲಿನ ವಿವಿಧ ಚಿತ್ರಗಳನ್ನು ಕಾಣಬಹುದಾಗಿದೆ. ಲ್ಯಾಂಡಿಂಗ್‌ಗೆ ತಗ್ಗು, ದಿಣ್ಣೆಗಳು ಹೆಚ್ಚು ಇರದ ಹಾಗೂ ಅತಿಯಾದ ಕುಳಿ ಇರದ ಪ್ರದೇಶದ ಹುಡುಕಾಟದಲ್ಲಿ ಇಸ್ರೊ ವಿಜ್ಞಾನಿಗಳು ಇದ್ದಾರೆ. ‘ಅಪಾಯವನ್ನು ಗುರುತಿಸುವ ಹಾಗೂ ತಪ್ಪಿಸುವ‘ ನಿಟ್ಟಿನಲ್ಲಿ ಚಂದ್ರಯಾನ–3ರ ಲ್ಯಾಂಡರ್‌ನಲ್ಲಿರುವ ಅತ್ಯಾಧುನಿಕ ಎಲ್‌ಎಚ್‌ಡಿಎ ಕ್ಯಾಮರಾ ಈ ಚಿತ್ರಗಳನ್ನು ಕಳುಹಿಸಿದೆ.
