ಗೂನಡ್ಕ: ಸಂಪಾಜೆ ಗ್ರಾಮದ ಪೇರಡ್ಕ ದರ್ಗಾ ಹಾಗೂ ನವೀಕಾರಣಗೊಂಡ ಮೋಹಿದ್ದಿನ್ ಜುಮಾ ಮಸೀದಿಗೆ ಜನತಾ ದಳದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಹಾಗು ವಿಧಾನಪರಿಷತ್ ಸದಸ್ಯರಾದ ಬಿ. ಎಂ. ಫಾರೂಕ್ ಭೇಟಿ ನೀಡಿ ಕಾಮಗಾರಿ ವೀಕ್ಷಿಸಿ ದರ್ಗಾ ಝಿಯಾರತ್ ಹಾಗು ಮಸೀದಿಯಲ್ಲಿ ವಿಶೇಷ ದುವಾ ಮಾಡಿದರು ಈ ಸಂದರ್ಭದಲ್ಲಿ
ಅವರನ್ನು ಜಮಾತಿನ ಪರವಾಗಿ ಕರಾವಳಿ ಇಬ್ರಾಹಿಂ ಹಾಜಿ ಸನ್ಮಾನಿಸಿದರು. ಪುರಾತನ ಮಸೀದಿ,ದರ್ಗಾ, ಪ್ರವಾಸಿ ಮಂದಿರ, ರಸ್ತೆ, ಕಾಂಪೌಂಡ್, ತೆಕ್ಕಿಲ್ ಮೊಹಮ್ಮದ್ ಹಾಜಿ ಮೆಮೋರಿಯಲ್ ತಖ್ವಿಯತುಲ್ ಇಸ್ಲಾಂ ಮದರಸ, ಮಸೀದಿಯ ರಬ್ಬರ್ ತೋಟವನ್ನು ವೀಕ್ಷಿಸಿದರು. ಸಂಪಾಜೆ ಗ್ರಾಮ ಪಂಚಾಯತ್ ಪರವಾಗಿ ಅಧ್ಯಕ್ಷರಾದ ಜಿ ಕೆ ಹಮೀದ್ ಗೂನಡ್ಕ ಸನ್ಮಾನಿಸಿದರು. ಪಂಚಾಯತ್ ಸದಸ್ಯರಾದ ಅಬೂಸಾಲಿ ಗೂನಡ್ಕ ಎಸ್ ಕೆ ಹನೀಫ್ ಸಂಪಾಜೆ ಸನ್ಮಾನಿಸಿದರು. ಮುಂದೆ ಕೂಡ ಅನುದಾನ ಮತ್ತು ಸಹಕಾರ ನೀಡುವುದಾಗಿ ಭರವಸೆ ನೀಡಿದರು ತೆಕ್ಕಿಲ್ ಪ್ರತಿಷ್ಠಾನದ ಅಧ್ಯಕ್ಷರು ಮಸೀದಿ ನವೀಕಾರಣ ಸಮಿತಿಯ ಮತ್ತು ಊರೂಸ್ ಸಮಿತಿ ಅಧ್ಯಕ್ಷರಾದ ಟಿ. ಎಂ. ಶಾಹಿದ್ ತೆಕ್ಕಿಲ್ , ಪೇರಡ್ಕ ಜುಮಾ ಮಸ್ಜಿದ್ ಕಾರ್ಯದರ್ಶಿ ರಝಾಕ್ ಹಾಜಿ, ಹಾಜಿ ಇಬ್ರಾಹಿಂ ಮೈಲ್ಕಲ್ಲು, ಬಿ ಎಂ ಶೌಕತ್, ಫರ್ವೈ ಸ್, ಜಿಲ್ಲಾ ವಖ್ಫ್ ಬೋರ್ಡ್ ಉಪಾಧ್ಯಕ್ಷರಾದ ಅಬ್ದುಲ್ ರಹಿಮಾನ್ ಮೊಗರ್ಪಣೆ, ಜನತಾ ದಳದ ಮುಖಂಡ ಹನೀಫ್ ಮೊಟ್ಟನ್ಗಾರ್, ಜಮಾಯತ್ ಸದಸ್ಯರು, ಊರೂಸ್ ಸಮಿತಿ ಸದಸ್ಯರು ಉಪಸ್ಥಿತರಿದ್ದರು.
ತೆಕ್ಕಿಲ್‌ಗೆ ಭೇಟಿ:
ಬಿ. ಎಂ. ಫಾರೂಕ್ ಅವತು ತೆಕ್ಕಿಲ್ ನಿವಾಸಕ್ಕೆ ಹಾಗು ತೆಕ್ಕಿಲ್ ಗ್ರಾಮೀಣಾಭಿವೃದ್ಧಿ ಪ್ರತಿಷ್ಠಾನಕ್ಕೆ ಭೇಟಿ ನೀಡಿದರು. ಈ ಸಂದರ್ಭದಲ್ಲಿ ಅವರನ್ನು ಪ್ರತಿಷ್ಟಾನದ ಅಧ್ಯಕ್ಷ ಟಿ.ಎಂ ಶಾಹಿದ್ ತೆಕ್ಕಿಲ್, ಕಾರ್ಯದರ್ಶಿ ಅಶ್ರಫ್ ಗುಂಡಿ ಹಾಗು ಖಜಾಂಜಿ ಟಿ ಎಂ ಜಾವೆದ್ ತೆಕ್ಕಿಲ್ ಸನ್ಮಾನಿಸಿದರು. ಈ ಸಂದರ್ಭದಲ್ಲಿ ಬಿ ಎಂ ಶೌಕತ್, ಫರ್ವೈ ಸ್, ಜಿಲ್ಲಾ ವಕ್ಫ್ ಬೋರ್ಡ್ ಉಪಾಧ್ಯಕ್ಷ ಅಬ್ದುಲ್ ರಹಿಮಾನ್ ಮೊಗರ್ಪಣೆ ಉಪಸ್ಥಿತರಿದ್ದರು.
